Tuljabhavani Mandir: तुळजाभवानी देवीच्या मंदिरात पुरुषांना प्रवेश बंदी; नागपंचमीच्या दिवसासाठी हे आहे कारण

धाराशिव : महाराष्ट्राची कुलस्वामिनी आई तुळजाभवानी देवीच्या मंदिरात नागपंचमी (Nagpanchami) निमित्त पुरुषांना प्रवेश बंदी करण्यात आली आहे. देवीच्या (Tuljabhavani Mandir) मंदिरात २१ ऑगस्टला सायंकाळी हा प्रवेश बंद असणार आहे. (Live Marathi News)

श्रावण महिन्याचा पहिला सोमवार असून याच दिवशी नागपंचमी आहे. दरवर्षी नागपंचमीनिमित्त सुहासिनी स्त्रीया मंदिरात नागपूजन, फेर व भूलई खेळतात. यामुळे मंदिरात महिलांची प्रचंड गर्दी होत असते. याच अनुषंगाने पूर्वापार वहिवाटीप्रमाणे पुरुषांना या कालावधीत मंदिरात प्रवेश बंद ठेवण्यात येणार आहे. तुळजाभवानी मंदिर संस्थान कडून ही माहिती देण्यात आली आहे.

सायंकाळी एक तास बंदी 
मंदिर संस्थानने घेतलेल्या निर्णयानुसार नागपंचमी अर्थात २१ ऑगस्टला पुरुषांना मंदिरात प्रवेश बंदी केली आहे. दिवसभर मंदिर दर्शनासाठी खुले राहणार असून सायंकाळी पाच ते सहा वाजेपर्यंत पुरुषांना मंदिरात राहणार प्रवेश बंद राहील.