• जळगावमध्ये हायप्रोफाईल सेक्स रॅकेटचा पर्दाफाश

• निमखेडी रोडवरील अपार्टमेंटमधील फ्लॅटमध्ये पोलिसांची धाड

• जळगावमध्ये पोलिसांची मोठी कारवाई

• ३ महिला आणि एका पुरूषाला नको त्या अवस्थेत पकडलं

संजय महाजन, जळगाव

जळगाव शहरात हायप्रोफाईल वेश्याव्यवसायाचा पोलिसांनी पर्दाफाश केला. जळगावच्या निमखेडी रोडवरील उच्चभ्रू सोसायटीत छुप्या पद्धतीने सुरू असलेल्या सेक्स रॅकेटवर पोलिसांनी छापा टाकला. या कारवाईत पोलिसांनी ३ महिला आणि १ पुरुषाला नको त्या अवस्थेत पकडलं. या चौघांनाही पोलिसांनी ताब्यात घेतले आहे. त्यांची चौकशी सुरू आहे. या सेक्स रॅकेटमागे कुणाचा हात आहे याचा शोध पोलिस घेत आहेत.

मिळालेल्या माहितीनुसार, जळगावात पुन्हा एकदा रहिवासी भागात सुरू असलेल्या हायप्रोफाईल वेश्या व्यवसायाचे काळे रॅकेट पोलिसांनी उघडकीस आणले आहे. जळगाव शहरातील निमखेडी रोडवर असलेल्या ब्रह्मांड नायक या अपार्टमेंटमध्ये छुप्या पद्धतीने सुरू असलेल्या सेक्स रॅकेटवर पोलिसांनी धाड टाकली. या ठिकाणी सेक्स रॅकेट सुरू असल्याची माहिती पोलिसांना मिळाली होती. या माहितीच्या आधारे पोलिसांनी अचानक घटनास्थळी धाव घेत धाड टाकली.

पोलिसांनी या अपार्टमेंटमधील एका फ्लॅटमधून तीन महिला आणि एका पुरूषाला नको त्या अवस्थेत पकडले. या चौघांची पोलिस चौकशी करत आहेत. जळगाव तालुका पोलिस ठाण्याच्या हद्दीत ‘अनैतिक मानवी वाहतूक प्रतिबंधक कक्षाच्या’ (AHTU) पथकाने ही मोठी कारवाई केली. या घटनेमुळे संपूर्ण परिसरात एकच खळबळ उडाली आहे. पोलिस सध्या या सेक्स रॅकेटच्या मुख्य सुत्रधाराचा शोध घेत आहेत.