Chhatrapati Sambhajinagar News :

छत्रपती संभाजीनगर शहराचा पाणीपुरवठा कधीही बंद होऊ शकतो अशी परिस्थिती निर्माण झाली आहे. याचे प्रमुख कारण म्हणजे छत्रपती संभाजीनगर महापालिकेने जलसंपदा विभागाचे 40 कोटी रुपये थकीत ठेवले आहे. ही थकीत रक्कम तातडीने भरावी यासाठी महापालिकेला जलसंपदा विभागाने नोटीस बजावली आहे. (Breaking Marathi News)

छत्रपती संभाजीनगर शहराची तहान भागविण्यासाठी दररोज जायकवाडी धरणातून (jaykwadi dam) १३० ते १३५ एमएलडी पाण्याचा उपसा करण्यात येतो. या पाण्याचे बिल दरमहा जलसंपदा विभागाला भरावे लागते.

मागील काही वर्षांपासून महापालिकेने पैसे भरले नाहीत. फेब्रुवारी महिन्यात जलसंपदा विभागाने ४० कोटींची थकबाकी भरावी म्हणून नोटीसही दिली होती. त्यामुळे शहराचा पाणीपुरवठा विभागाकडून कोणत्याही क्षणी बंद केला जाऊ शकतो. काही वर्षांपूर्वी जलसंपदा विभागाने काही तास पाणीपुरवठा थांबविला होता.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

15 चे 40 काेटी झाले, व्याज आणि दंड मनपा भरू शकत नाही

जलसंपदा विभागाला पाणीपट्टीपोटी मनपाचे १५ कोटी रुपये थकीत आहेत. संबंधित विभागाने दंड आणि व्याज लावून ही रक्कम ४० कोटी केली असे मनपातील अधिकाऱ्यांचे म्हणणे आहे. दरवर्षी काही ठराविक रक्कम मनपाकडून भरण्यात येते. व्याज आणि दंड मनपा भरू शकत नाही असेही अधिकारी सांगताहेत.

Edited By : Siddharth Latkar