Nagpur News : नागपूर शिक्षक मतदार संघ निवडणुकीच्या निमित्तानं काँग्रेस मधील अंतर्गत वाद पुन्हा एकदा चव्हाट्यावर आलाय. या निवडणुकीत माजी मंत्री सुनील केदार आणि विजय वडेट्टीवार यांनी विदर्भ माध्यमिक शिक्षक संघटनेचे सुधाकर अडबाले यांना समर्थन जाहिर केलं.

तर दुसरीकडे आज माजी आमदार आशिष देशमुख यांनी शिक्षक भारतीचे राजेंद्र झाडे यांना परस्पर समर्थन जाहीर करून टाकलं. तिकडे पक्षाचे आता प्रदेशाध्यक्ष नाना पटोले यांनी अजून समर्थन जाहीर केलेलं नाही हे सांगण्यात येत आहे. त्यामुळं काँग्रेसमध्ये नेमकं चाललं काय हा प्रश्न पडलाय.

नागपूर (Nagpur) शिक्षक मतदारसंघात काल काँग्रेसच्या (Congress) नेत्यांनी नाना पटोले (Nana Patole) यांच्या अनुपस्थित बैठक घेत सुधाकर अडबाले यांना समर्थन जाहीर केलं. तर आज आशिष देशमुख यांनी शिक्षक भारतीचे राजेंद्र झाडे यांना समर्थन जाहीर करत धक्काच दिला.

पदवीधर निवडणुकीत शिक्षक भारतीचे समर्थन काँग्रेसने घेतले होते, त्या बदल्यात शिक्षक मतदार संघात शिक्षक भारतीच्या उमेदवाराला समर्थन देण्याचा शब्द काँग्रेस नेत्यांनी दिला होता, त्यामुळं तोच शब्द पळत असल्याचं सांगत नाना पटोले यांच्यावर आरोप आशिष देशमुख यांनी केले.

नाना पटोले यांनी अद्याप आम्ही समर्थन जाहीरन केल्याचं सांगत मी संस्थानिक नाही, सोन्याचा चमचा तोंडात घेऊन जन्माला आलो नसल्याचं सांगत आशिष देशमुख यांना उत्तर दिलं. तिकडे नाशिक मध्ये पदवीधर निवडणुकीत काँग्रेसची मोठी नाचक्की झाल्यावर आता नागपुरातील शिक्षक मतदार संघात काँग्रेसची डोकेदुखी दूर होताना दिसत नाहीय. त्यामुळं काँग्रेसचेच नेते काँग्रेस संपवायला लागलीय, अशी चर्चा सुरू झालीय.