State Election Commission clarification on voting ink controversy : महापालिका निवडणुकीत मतदानासाठी वापरण्यात आलेली शाई पुसली जात असल्याचा आरोप विरोधकांकडून आणि सर्वसामान्यांकडून करण्यात आला. त्याबाबतचे पुरावेही देण्यात आले. यावर राज्य निवडणूक आयोगाकडून पत्रकार परिषद घेत हे आरोप फेटाळण्यात आले. दुबार मतदाराची पूर्ण ओळख पटल्याशिवाय मतदान करू दिले जात नाही. दुबार मतदाराला दोन ओळखपत्र मागितले जात आहेत. ज्या ठिकाणी बोगस मतदान झालेय, त्या मतदारावर कारवाई झाल्याचे वाघमारेंनी सांगितले. (Dinesh Waghmare rejects erasable ink allegations)

राज्य निवडणूक आयुक्त दिनेश वाघमारे यांनी शाई पुसली जात असल्याचे आरोप फेटाळले. फेक नरेटिव्ह पसरवला जात असल्याचा गंभीर आरोप विरोधकांवर केला. आम्ही सत्ताधाऱ्यांना कोणतीही मदत करत नाही, निष्पक्ष निवडणुका घेतल्या जात असल्याचे स्पष्टीकरणही वाघमारे यांनी दिले.

केंद्रीय निवडणूक आयोग वापरत असलेला मार्कर पेन आणि शाई आम्ही वापरत आहे. २०११ पासून हीच शाई आणि मार्कर पेन पावरला जातोय. सुकल्यानंतर ही शाई पुसली जात नाही, असे दिनेश वाघमारे यांनी ठामपणे सांगितले. त्याशिवाय विरोधकांकडून फेक नरेटिव्ह पसरवला जात असल्याचा अप्रत्यक्ष आरोपही त्यांनी केला.

लोकसभा विधानसभा मतदाना वेळीही शाई पुसली जात असल्याचा आरोप, तक्रारी करण्यात आला. पण शाई सुकल्यानंतर पुसली जात नाही, असे दिनेश वाघमारे म्हणाले. २०११ पासून तोच मार्कर वापरला जातोय. पण आताच का फेक नरेटिव्ह पसरवला जातोय. सत्ताधाऱ्यांना मदत करण्याचा प्रश्न उरत नाही. आयोग निष्पक्ष काम करत आहे. आम्ही कुणाला फेवर करत नाही. मुद्दाम संभ्राम तयार केला जातोय. फेक नरेटिव्ह तयार केला जातोय. सर्व आयोगावर ढकलले जातेय.

कोरसचा मार्कर असल्याने शाई पुसली जाते? नेलपेंट काढण्यासाठी वापरण्यात आलेल्या लिक्विडमुळेही शाई फुसली जाते, असा प्रश्न विचारला असता वाघमारेंनी सर्व आरोप फेटाळून लावले. २०११ पासून आम्ही एकाच कंपनी कोरसचा मार्कर वापरतो. दुसऱ्या कंपनीचा मार्कर वापलेला नाही. शाईबाबत संभ्राम पसरवला जातोय. शाई पुसल्याचा आरोप चुकीचा आहे. आमच्या सचिवांनीही आज सकाळी मतदान केले, त्यांची शाई पुसली गेली नाही, असे दिनेश वाघमारे यांनी पत्रकार परिषदेत सांगितले.