Gadhinglaj News : कोल्हापूर जिल्ह्यातील गडहिंग्लज तालुक्यातील तनवडी येथील शिवानंद मल्लाप्पा आरबोळे (jawan shivanand arbole) (वय 23) या जवानाने रविवारी दुपारी आपल्या राहत्या घरात आत्महत्या केली आहे. त्यांच्या आत्महत्तेचे कारण समजू शकली नाही. (Maharashtra News)

सध्या राजस्थान येथील कोठा येथे कार्यरत असणारे शिवानंद आरबोळे हे पंधरा दिवसांपूर्वी सुट्टीवर गावी आले होते. शेतकरी असलेले आरबोळे हे रविवारी सकाळी आपल्या कुटुंबासोबत शेताकडे गेले होते. शेतातच जेवण करून आंघोळीसाठी घरी जातो असे सांगून ते घरी परत आले होते.

त्यांनी घरी पाेहचल्यानंतर आत्महत्या केली. ही घटना समजताच स्थानिक लोकांनी त्यांना तातडीने गडहिंग्लज उपजिल्हा रुग्णालयात दाखल केले. वैद्यकीय अधिकारी यांनी जवान शिवानंद यांना मृत घोषित केले. या घटनेची नोंद काेल्हापूर जिल्ह्यातील गडहिंग्लज पोलीस ठाण्यात झाली आहे.

Edited By : Siddharth Latkar