मुख्यमंत्री उद्धव ठाकरे (CM Udhav Thackeray) यांच्या हस्ते नाशिकमधील (Nasik) महाराष्ट्र पोलिस अकादमीतील (Maharashtra Police Academy) विविध विकासकामांचे उद्घाटन करण्यात आले. यावेळी उपमुख्यमंत्री अजित पवार यांच्यासह अन्य अर्धा डझन मंत्री उपस्थित होते. मुख्यमंत्रीपद मिळाल्यानंतर उद्धव ठाकरे यांचा हा पहिलाच नाशिक दौरा होता.

भूमिपूजनप्रसंगी दाखवलेल्या प्रकल्पचित्र अगदी हुबेहूब त्यापेक्षाही अधिक चांगले प्रकल्प कोविड काळात पुर्ण केले गेले याचा अभिमान वाटतो. कोरोना काळात नाशिक प्रशासनाकडून उत्तमरित्या काम करण्यात आले. अशा शब्दांत मुख्यमंत्र्यांनी नाशिकचे कौतुक केले आहे.

नाशिकमधील त्र्यंबक रस्त्यावरील शंभर एकर जागेतील महाराष्ट्र पोलिस अकादमीत पोलीस उपनिरीक्षक, पोलीस उपअधीक्षक तसेच अन्य अधिकाऱ्यांना प्रशिक्षण दिले जाते. या अकादमीला सक्षम करण्यासाठी सिंथेटिक ट्रॅक, हॉकी मैदान यांसह कंपोझिट फायरिंग रेंज, व्हॉलीबॉल आणि बास्केट बॉल मैदान अशा अनेक सोयीसुविधा उपलब्ध करु दिल्या जात आहेत.