हिंगोली : हिंगोलीच्या कळमनुरी तालुक्यात गेल्या काही महिन्यांपासून अवैधरित्या सागवान वृक्षाची तोडणी करून चोरट्या मार्गाने वाहतुक सुरू आहे. दरम्यान गोपनीय माहितीवरून सागवान तस्कराविरोधात वन विभागाने मोठी कारवाई केली असून कळमनुरी शहराच्या जवळ सागवान तस्करांनी जमा करून ठेवलेला मोठा साठा वन विभागाच्या पथकाने जप्त केला आहे. 

सागवान वृक्षांची तोडणी करून त्याची वाहतूक करण्यास बंदी आहे. मात्र जंगल परिसरातून या सागवान वृक्षांची तोडणी करून त्याची चोरटी वाहतूक केली जाते. त्यानुसार हिंगोलीच्या कळमनुरी तालुक्यात गेल्या काही महिन्यांपासून अवैधरित्या सागवान वृक्षाची तोडणी करून चोरट्या मार्गाने वाहतुक केली जात होती. वाहतूक करणाऱ्या या सागवान तस्करांवर वन विभागाचे देखील लक्ष होते. अशातच चोरटी वाहतूक होत असल्याची माहिती मिळाली होती. 

कारवाईत सापडला मोठा साठा 

हिंगोलीच्या कळमनुरी तालुक्यात होत असलेल्या चोरट्या वाहतुकीबाबत वनविभागाला मिळालेल्या गोपनिय माहितीवरून सागवान तस्करी विरोधात वन विभागाने मोठी कारवाई केली आहे. यातच कळमनुरी शहराच्या जवळ सागवान तस्करांनी जमा करून ठेवलेला मोठा साठा वन विभागाच्या पथकाने जप्त केला आहे. याप्रकरणी अज्ञात आरोपी विरोधात गुन्हा दाखल करण्यात आला असून वन विभागाचे स्वतंत्र पथक आरोपीचा शोध घेत आहे. 

वन विभागाचे स्वतंत्र पथक 
दरम्यान कळमनुरी तालुक्यात झालेल्या कारवाईत सागवान तस्करांनी जमा करून ठेवलेला मोठा साठा वन विभागाच्या पथकाने जप्त केला आहे. याप्रकरणी गुन्हा दाखल करण्यात आला असून वन विभागाचे स्वतंत्र पथक नेमण्यात आले असून या पथकाकडून सागवान लाकडांची तस्करी करणाऱ्या व साठा करून ठेवणाऱ्यांचा शोध घेत आहे.