हिंगोली : हिंगोलीत भाजपा अध्यात्मिक आघाडीचे जिल्हाध्यक्ष महेंद्र महाराज म्हस्के यांना संभाजी ब्रिगेडच्या पदाधिकाऱ्यांकडून कळमनुरी (Kalamnuri) शहरात मारहाण करण्यात आली आहे. संभाजी ब्रिगेडचे (Sambhaji Brigade) जिल्हाध्यक्ष सतीश पाटील यांनी ही मारहाण केली आहे. महेंद्र महाराज म्हस्के यांनी वसमत तालुक्यातील भेंडेगाव येथे कीर्तनादरम्यान छत्रपती शिवरायांबद्दल (Shivaji Maharaj) वादग्रस्त वक्तव्य केल्याचा आरोप सतीश पाटील यांनी केला आहे.

हे देखील पहा :

मात्र, हे सर्व आरोप महेंद्र महाराज म्हस्के यांनी फेटाळून लावले असून, जिल्ह्यात भाजपा अध्यात्मिक आघाडीचे (BJP Adhyatmik Aaghadi) काम जोमाने करत असल्याने सूड भावनेतून आपल्यावर हा हल्ला करण्यात आल्याचे त्यांनी सांगितले आहे. दरम्यान, हा हल्ला (Attack) कधी करण्यात आला या बाबत अद्याप देखील माहिती मिळाली नाही. (Hingoli attack on BJP adhyatmik aaghadi district president by sambhaji brigade)

मात्र, सोशल मीडियावर (Social Media) मारहाणीचा व्हिडिओ (Video) प्रचंड व्हायरल होत आहे. या घटनेप्रकरणी कळमनुरी पोलीस अधिक चौकशी करत असून मारहाण केलेल्या व्यक्तीची तक्रार आल्या नंतर योग्य ती कार्यवाही करणार असल्याचे पोलिसांनी सांगितले आहे. या घटनेमुळे संभाजी ब्रिगेड विरुद्ध भाजपा (BJP) वाद रंगण्याची शक्यता आहे.

Edited By : Krushnarav Sathe