चंद्रपूर : लहान मुलांसाठी ज्येष्ठ नागरिकांसाठी शहरातील वर्दळीच्या रस्त्यांवर काही वेळा वाहनांना थांबविण्यात येते असे चित्र आपण अनेकदा पाहिलं असेल. पण एखाद्या प्राण्यासाठी वाहतुक ती ही महामार्गावरील (highway) थांबविल्याचे कधी कानावर आले हाेते का ? हाेय एका वाघासाठी (tiger) चक्क महामार्गावरील वाहतुक थांबविण्यात आली हाेती. ही घटना दाेन दिवसांपुर्वी चंद्रपूर (chandrpaur) जिल्ह्यात घडली आहे. (chandrapur latest marathi news)

नागभीड-ब्रम्हपुरी महामार्गावरील सायगाटा येथे दोन दिवसांपूर्वी दुपारी एक वाघ रस्त्याच्या शेजारी बसला होता. रस्त्यावरील भरधाव आणि अवजड वाहतुकीमुळे वाघाला रस्ता ओलांडताना अडचण निर्माण झाली हाेती. याबाबतची माहिती घटनास्थळावरुन काहींनी वनपथकास दिली. ही माहिती समजताच पथकाने महामार्गावर धाव घेतली.

घटनास्थळी वनविभागाचे पथक दाखल झाले. या पथकाने दाेन्ही बाजूची वाहतूक थांबवून वाघोबाला जाण्यासाठी रस्ता मोकळा करून दिला. दोन्ही बाजूची वाहतूक थांबल्याने वाघोबाने माेठ्या दिमाखात रस्ता ओलांडला. त्यानंतर वाहतूक सुरळीत झाली. हा क्षण काहींनी आपल्या माेबाईलमध्ये चित्रीत केला.

Edited By : Siddharth Latkar