Beed Rain Update: गेल्या महिनाभरापासून दडी मारलेल्या पावसाने, बीडच्या केज तालुक्यातील काही भागात हजेरी लावलीय. केज तालुक्यातील माळेगाव, सुर्डी, सोनेसांगवी, मांगवडगाव,सुकळी, गोटेगाव परिसरात जवळपास 2 तास मुसळधार पाऊस झालाय. पहिल्याच पावसात या भागातील नदीनाले वाहू लागले आहेत. तर यावेळी वीज कोसळून एक गाय दगावली असून नदीच्या पुरात एक म्हैस देखील वाहून गेलीय. (Latest Marathi News)

या दुर्घटनेत केजच्या माळेगाव येथील अरुण चंद्रसेन गव्हाणे यांची घराजवळ चिंचाच्या झाडाखाली बांधलेली गाय वीज पडून दगावलीय. सदरील गाभण असलेली गाय दगावल्याने शेतकऱ्याचे (Farmer) 80 हजार रुपयांचे नुकसान झाले. तर मांगवडगाव येथील कल्याण गायके हे बैलगाडीतून कुटूंबीयासह घरीं परतत होते. यादरम्यान बैलगाडीच्या मागे म्हैस होती. ती ओढ्याला आलेल्या पुराच्या पाण्यात वाहून गेली. (Beed News)

दरम्यान बीड जिल्ह्यातील अनेक गावांमध्ये रिमझिम, मध्यम व जोरदार पाऊस झाला आहे.गेल्या 2 दिवसांपासून अनेक ठिकाणी ढगाळ वातावरण होते. मात्र काल सायंकाळी आणि रात्री पाऊस (Rain) झाल्याने वातावरणात काहीसा गारवा निर्माण झालाय. यामुळं मागील काही दिवसांपासून उष्णतेचा सामना करत असलेल्या जनतेला दिलासा मिळाला आहे.