- रणजीत माजगावकर

Kolhapur News : राजू शेट्टी यांनी सीएची टीम पाठवावी, ज्या कारखान्याचे पैसे सरपल्स असतील त्यांना (3620 रुपयांपेक्षा जादा) दर द्यायला लावू असे काेल्हापूर पालकमंत्री हसन मुश्रीफ (Hasan Mushrif) यांनी साखरेच्या दरावरुन चाललेल्या आंदाेलनाबाबत टिप्पणी केली. दरम्यान कारखाने कर्जात असतील तर आम्ही काय करावं याचा सल्ला देखील राजू शेट्टी (raju shetti) यांनी द्यावा असेही मुश्रीफ यांनी नमूद केले. (Maharashtra News)

राजू शेट्टी यांच्यासोबत कारखानदार आणि जिल्हाधिकारी यांची बैठक झाली. या बैठकीत कारखानादारांच्या प्रतिनिधींनी स्वाभिमानीच्या मागणीनूसारचा दर देण्यास असर्मथता दाखविली. त्यानंतर शेट्टींनी आंदाेलन तीव्र करणार असल्याचे म्हटले.

दरम्यान याबाबत मंत्री मुश्रीफ म्हणाले मी देखील राजू शेट्टी यांची भेट घेऊन समजावून सांगेन. साखर कारखान्यांनी 100 टक्के एफआरपी दिली आहे. वाढीव नफ्यात जे येईल ते कारखाने देतील मात्र यावर अजून बैठक झाली नाही. दोन महिन्यात साखरचे दर वाढले आहेत, पण याआधी कारखाने कर्जात आहेत.

एका कार्यक्रमात मी राजू शेट्टी यांना विनंती केली की 3620 रुपयांपेक्षा जात नाही. राजू शेट्टी यांनी सीएची टीम पाठवावी ज्या कारखान्याचे पैसे सरपल्स असतील त्यांना हा दर द्यायला लावू पण कारखाने कर्जात असतील तर आम्ही काय करावं याचा सल्ला देखील राजू शेट्टी यांनी द्यावा.

कर्नाटक राज्यातील साखर कारखान्याचे दर तोडणी आणि वाहतूक मिळून असतो ते वजा करून पैसे देतात. यंदाचा तोडणी हंगाम हा एक नोव्हेंबर पासून सुरू होईल अशी आशा आहे. बुधवारी मंत्रिमंडळाच्या उपसमितीची बैठक होणार आहे त्यात निर्णय होईल असेही मुश्रीफ यांनी नमूद केले.

यावेळी सर्वात कमी साखरेचा सिजन होणार आहे असे सांगत राजू शेट्टी यांची भेट घेईन आणि सगळ्या गोष्टी सांगितल्या जातील असेही मुश्रीफांनी (hasan mushrif latest marathi news) स्पष्ट केले.

Edited By : Siddharth Latkar