- अमर घटारे

Gram Panchayat Election Result 2022 : अमरावती (amravati) जिल्ह्यात रविवारी पाच ग्रामपंचायतींसाठी मतदान झालं. आज तासाभरात मतमोजणी पार पडली. जिल्ह्यातील पाच पैैकी तीन ग्रामपंचायतींवर (grampanchayat) काॅंग्रेसनं (congress) सरपंचपद मिळविलं आहे. सर्मथकांचा विजय हाेताच कार्यकर्त्यांनी जल्लाेष केला.

तिवसा तालुक्यात माजी मंत्री व आमदार यशोमती ठाकूर (yashomati thakur) यांच्या नेतृत्वाखाली उंबरखेड ग्रामपंचायतमध्ये सरपंचपदी काँग्रेसचे नितीन कळंबे, घोटा ग्रामपंचायतमध्ये काँग्रेसच्या रुपाली राऊत व कवाड गव्हाण ग्रामपंचायतमध्ये सरपंचपदी काँग्रेसच्या मोहिनी चौधरी या विजयी झाल्या आहेत. तिवसामध्ये तिन्ही ग्रामपंचायतवर यशोमती ठाकूर यांच्या काँग्रेसने बाजी मारली आहे.

चांदुररेल्वे तालुक्यातील चांदुरवाडी ग्रामपंचायतमध्ये भाजप आमदार प्रताप अडसड यांच्या नेतृत्वाखाली सरपंचपदी भाजपच्या वर्षा माताडे विजयी झाल्या. तसेच धारणी तालुक्यातील हरिसार ग्रामपंचायतमध्ये आमदार बच्चू कडू यांच्या प्रहार संघटनेचे रामेश्वर दारशिंबे विजयी झाले.

राज्यात शिंदे - फडणवीस सरकार आल्यानंतर प्रथमच सरपंच पदाची निवडणूक जनतेतुन झाली. यामध्ये राष्ट्रवादी, शिवसेना व शिंदे गटाला एकही जागा जिंकता आलेली नाही. दरम्यान काॅंग्रेसच्या विजयी उमेदवारांचे त्यांच्या समर्थकांनी गुलालाची उधळण करीत जल्लाेष केला.

Edited By : Siddharth Latkar