केंद्र सरकार देशातील लोकांसाठी अनेक कल्याणकारी योजना राबवतं. देशातील कोट्यवधी नागरिकांना या सरकारी योजनांचा लाभ मिळतो. सरकार वेगवेगळ्या लोकांच्या गरजा लक्षात घेऊन या योजना आणते. या योजनेंतर्गत नागरिकांना विविध आर्थिक लाभ दिले जातात. पेन्शन योजनाही लागू करण्यात आली आहे. या योजनेंतर्गत वृद्धापकाळात आधार नसलेल्यांना लाभ दिला जातो.

वृद्धापकाळात आधार हवा असतो. मग तो आर्थिक असो की मानसिक. अशा व्यक्तींसाठी सरकारने अतिशय स्वस्त पेन्शन योजना सुरू केली आहे. या योजनेत फक्त ५५ रुपये गुंतवल्याने लोकांना दरमहा ३,००० रुपये पेन्शन मिळेल. ही योजना काय आहे आणि या योजनेचा लाभ कोणाला मिळतो. या योजनेची संपूर्ण माहिती जाणून घेऊया.

५५ रुपये भरून मिळवा ३००० पेन्शन!

सरकार देशातील लोकांसाठी विविध प्रकारच्या योजना राबवते. त्यापैकी एक पेन्शन योजना आहे. त्याचे नाव पंतप्रधान श्रम योगी मानधन योजना आहे. ही योजना विशेषतः देशातील असंघटित क्षेत्रात काम करणाऱ्या कामगारांसाठी आणण्यात आली आहे. देशात असंघटित क्षेत्रात असे अनेक कामगार आहेत. ज्यांना म्हातारपणात आधार नाही. सरकारने २०१९ मध्ये या लोकांसाठी ही योजना सुरू केली होती. या योजनेत, फक्त ५५ रुपयांच्या मासिक योगदानासह, दरमहा ३००० रुपयांपर्यंत पेन्शन मिळते.

या लोकांना फायदा मिळतो

सरकारची पंतप्रधान श्रम योगी मानधन योजना ही देशातील असंघटित क्षेत्रात काम करणाऱ्या कामगारांसाठी आहे. या योजनेंतर्गत, कचरावेचक, धोबी, रिक्षाचालक, चर्मकार, वीटभट्टी कामगार, घरगुती कामगार इत्यादी कामगारांना लाभ दिला जातो. योजनेत मजुराने जमा केलेली रक्कम आणि तेवढीच रक्कम सरकारही जमा करते. म्हणजे जर कोणी २०० रुपये जमा केले, तर सरकारही २०० रुपये जमा करते.

काय आहे प्रोसेस

प्रधानमंत्री श्रम योगी मानधन योजनेत वयाच्या १८ वर्षापासून गुंतवणूक करता येते. जर कोणी १८ व्या वर्षांपासून त्यात गुंतवणूक केली तर, त्याला दरमहा ५५ रुपये जमा करावे लागतील. ११ वर्षांनंतर म्हणजेच वयाच्या २९ व्या वर्षी तुम्हाला १०० रुपये जमा करावे लागतील. गुंतवणुकीनुसार पेन्शन मिळेल.

Edited By - Purva Palande