शुभम देशमुख, गोंदिया

मण्यार साप चावल्यामुळे मायलेकीचा दुर्दैवी मृत्यू झाल्याची धक्कादायक घटना घडली आहे. गोंदियाच्या देवरी तालुक्यातील गुजूरबोडगा येथे ही घटना घडली आहे. घरामध्ये झोपले असता दोघींनाही साप चावला. त्यांना रुग्णालयामध्ये दाखल केले पण उपचारापूर्वी दोघींचाही मृत्यू झाला. या घनटेमुळे अकोल्यामध्ये खळबळ उडाली आहे.

मिळालेल्या माहितीनुसार, गोंदिया जिल्ह्याच्या देवरी तालुक्यातील आदिवासी बहुल भाग असलेल्या गुजूरबोडगा गावामध्ये ही घटना घडली आहे. या गावामध्ये राहणारे उसेंडी कुटुंब रात्री झोपले होते. घरामध्ये आलेल्या मण्यार सापाने ७ वर्षांची मुलगी आणि तिच्या आईला चावा घेतला. काहीतरी चावल्याचे लक्षात येताच त्यांनी उठून पाहिले तर त्यांना धक्का बसला. घरामध्ये मण्यार साप आढळून आला.

साप चावल्याचे लक्षात येताच त्यांनी तात्काळ गावातील नागरिकांना बोलावून घेतले. गावकऱ्यांनी मण्यार सापाला मारले. त्यानंतर त्यांनी दोघींनाही उपचारासाठी रुग्णालयात दाखल केले. पण डॉक्टरांनी मुलीला मृत घोषीत केले. तर तिच्या आईची प्रकृती गंभीर असल्यामुळे तिला उपचारासाठी गोंदिया येथिल जिल्हा रूग्णालयात हलविण्यात आले. पण रुग्णालयामध्ये पोहचण्यापूर्वीच तिचा देखील मृत्यू झाला. या घटनेमुळे उसेंडी कुटुंबीयांवर दु:खाचा डोंगर कोसळला आहे.