Summary -

• महिन्याच्या शेवटी सोन्याच्या दरात ७०० रुपयांची वाढ

• १ तोळा सोनं १,४९,२०० रुपयांवर पोहोचलं

• चांदीचा दर २,४४,००० रुपये प्रति किलो

• दरवाढीमुळे ग्राहकांचा खरेदीकडे कमी कल

अजय सोनवणे, जळगाव

महिन्याच्या शेटवच्या दिवशी सोनं-चांदीच्या दरामध्ये मोठा बदल झाला आहे. जळगावच्या सुवर्ण बाजारात सोनं- चांदीच्या भावात गेल्या दोन दिवस घसरण झाली. आज सराफा बाजार उघडताच सोनं-चांदीच्या दरात वाढ झाल्‍याचे पाहायला मिळाले. आज चांदीच्‍या दरात १ हजार तर सोन्याच्या दरामध्ये ७०० रूपयांनी वाढ झाली आहे. सोनं-चांदीच्या दरामध्ये वाढ झाल्यामुळे ग्राहकांनी आज सोनं-चांदी खरेदी करण्याकडे पाठ फिरवली.

मागील काही दिवसांपासून सोनं- चांदीच्‍या भावात सातत्‍याने चढ- उतार होत आहेत. गेल्‍या आठवड्याप्रमाणे या आठवड्यात देखील दर कधी कमी तर कधी वाढले होते. दरम्‍यान मागील दोन दिवसांपासून सातत्‍याने दर कमी झाले आहेत. सोमवारी २७ एप्रिल रोजी २४ कॅरेटच्या १ तोळा सोन्याचे दर विनाजीएसटी १ लाख ५१ हजार ५०० रुपये झाले होते. हे दर गुरूवारपर्यंत खाली येऊन १ लाख ४८ हजार ५०० रूपयांवर आले होते. १ किलो चांदीचे दर सोमवारी २७ एप्रिल रोजी विनाजीएसटी २ लाख ४८ हजार रुपये होती. त्यात घसरण होऊन चांदी २ लाख ४३ हजारांपर्यंत खाली आली होती. मात्र आज सोने आणि चांदीच्या दरात मोठी वाढ झाली.

बुधवारी २९ एप्रिलच्या तुलनेत सोनं आणि चांदीच्‍या दरात वाढ झाली आहे. गुरूवारी सोने १ लाख ४८ हजार ५०० रूपये होते. आज सकाळी सोन्याच्या दरामध्ये ७०० रुपयांनी वाढ झाली. सोन्याचे दर १ लाख ४९ हजार २०० रूपयांवर पोहचले. तर सकाळी चांदीचे दर २००० रूपयांनी खाली येऊन २ लाख ४१ हजार रूपयांवर आले हेाते. मात्र सायंकाळपर्यंत यात पुन्‍हा ३ हजारांनी वाढ होऊन दर २ लाख ४४ हजार रूपयांवर पोहचले आहेत.

सुवर्णनगरीतील १ तोळा सोन्याचे (विनाजीएसटी) दर किती?

२४ एप्रिल - १ लाख ५० हजार ५००

२५ एप्रिल - १ लाख ५१ हजार ५००

२६ एप्रिल - १ लाख ५१ हजार ५००

२८ एप्रिल - १ लाख ४९ हजार ५००

२९ एप्रिल - १ लाख ४८ हजार ५००

३० एप्रिल - १ लाख ४९ हजार २००

सुवर्णनगरीतील चांदीचे प्रतिकिलो (विनाजीएसटी) दर किती?

२४ एप्रिल- २ लाख ४५ हजार

२५ एप्रिल- २ लाख ४९ हजार

२६ एप्रिल - २ लाख ४८ हजार

२८ एप्रिल - २ लाख ४२ हजार

२९ एप्रिल - २ लाख ४३ हजार

३० एप्रिल - २ लाख ४४ हजार