- रणजीत माजगावकर

Kolhapur News :

काेल्हापूर जिल्ह्यातील शाहूवाडी तालुक्यातील (shahuwadi taluka) शित्तूर वारुण पैकी तळीचा धनगरवाडा येथे बिबट्याच्या हल्ल्यात शाळकरी मुलगी ठार झाल्याची घटना समाेर आली आहे. यामुळे शाहूवाडी तालुक्यात आजही बिबट्यांचे हल्ले थांबले नसल्याचे चित्र आहे. (Maharashtra News)

शाहूवाडी तालुक्यातील कानसा खोर्‍यात देखील बिबट्याची दहशत वाढल्याने ग्रामस्थांमध्ये भीतीचे वातावरण आहे. बिबट्यांमुळे लहान बालकांच्या सुरक्षिततेचा प्रश्न ऐरणीवर आला आहे.

या परिसरातील वाडी वस्त्यांवरील 50 शेळ्या, दहा जनावरे तसेच 60 ते 70 कुत्र्यांचा फडशा पाडल्याची चर्चा आहे. उदागिरी परिसरात देखील काही दिवसांपूर्वी लहान मुलीवर बिबट्याने हल्ला केला हाेता. त्यापाठाेपाठ आता धनगरवाडा येथील शाळकरी मुलीला बिबट्याने लक्ष केले. या घटनेमुळे ग्रामस्थांत भीतीचे वातावरण पसरले आहे. वनविभागाने बिबट्याचा बंदाेबस्त करावा अशी मागणी जाेर धरु लागली आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar