नवरात्रोत्सव 2 दिवसांवर आलाय, मात्र त्याआधीच दांडीयात मुस्लीमांना प्रवेश देण्यावरुन नवा वाद पेटलाय. गरब्यात मुस्लीमांना प्रवेश देऊ नये. तसंच आधार कार्ड तपासूनच एण्ट्री द्यावी, अशी मोहीमच विश्व हिंदू परिषदेनं सुरु केलीय. एवढंच नाही तर मुस्लीम तरुण गरब्यात अनधिकृतरित्या प्रवेश करुन हिंदू मुलींना जाळ्यात अडकवत असल्याचा आरोपही करण्यात आलाय.

त्यामुळे गरब्यात मुस्लीम तरुण दिसल्यास त्याला थेट पोलिसांच्या ताब्यात देण्याचं आवाहन हिंदूत्ववादी संघटनांनी केलंय.. याच हिंदूत्ववादी संघटनांच्या भूमिकेवर काँग्रेसनं तीव्र आक्षेप घेतलाय.. एवढंच नव्हे तर धर्माधर्मात भांडण लावून राजकीय पोळी भाजण्यासाठी हा भाजपचा डाव असल्याचा आरोपही काँग्रेसनं केलाय

खरंतर हिंदू सणांमध्ये मुस्लिमांना प्रवेश बंदीची ही पहिलीच वेळ नाही. तर याआधीही मुस्लिमांवर बहिष्कार टाकण्याचं, मुस्लिमांकडून खरेदी न करण्याचं आवाहन भाजप नेत्यांनी केलं होतं. मात्र कोर्टाने चपराक दिल्यानंतर हिंदूत्ववादी संघटना आता गरब्यात प्रवेश देण्याबाबत धार्मिक कार्ड पुढे करत असतील तर हा देशाच्या गंगा जमना तहजीबलाच छेद देण्याचा प्रकार आहे. देशाच्या सहिष्णुतेवरतीच प्रहार आहे.