Nagpur News : काँग्रेसचे माजी नागपूर शहराध्यक्ष शेख हुसेन (former president of nagpur city congress shaikh hussain) यांच्यासह दोघांना पोलिसांनी अटक केली आहे. ही कारवाई आर्थिक गुन्हे शाखेच्या पथकाने रविवारी केली. न्यायालयाने हुसेन यांनी तीन दिवसांची पाेलिस काेठडी सुनावली आहे. (Maharashtra News)

शेख हुसेन हे नागपूरातील प्रसिद्ध हजरत बाबा ताजुद्दीनचे अध्यक्ष असताना त्यांनी ट्रस्टचे उत्पन्न स्वतःच्या खात्यात जमा केल्याचा आरोप त्यांच्यावर आहे. शेख हुसेन आणि माजी सचिव इकबाल वेलची यांनी 1 कोटी 59 लाख रुपये ट्रस्टच्या खात्यात जमा न करता स्वतःच्या खात्यात जमा केली या आराेपाखाली त्यांच्यावर मागील सप्टेंबर महिन्यात सक्करदरा पोलिस ठाण्यात गुन्हा दाखल झाला हाेता.

शेख यांनी सर्वोच्य न्यायालयात अटकपूर्व जामिनासाठी अर्ज केला हाेता. न्यायालयाने त्यांचा जामीन अर्ज फेटाळला. रविवारी आर्थिक गुन्हे शाखेने शेख हुसेन आणि इकबाल वेलची यांना अटक केली. त्यांना न्यायालयात हजर केले असता न्यायालयाने त्यांना तीन दिवसांची पाेलिस काेठडी सुनावली आहे अशी माहिती अर्वीत चांडक (पोलीस उपायुक्त, आर्थिक गुन्हे शाखा) यांनी दिली.

Edited By : Siddharth Latkar