अकोला : अकोल्यातील कारंजा रोडवर रानटी डुक्कर आडवे आल्याने चार चाकी गाडी पलटी होऊन झालेल्या अपघातातील 17 महिन्याच्या बालकासह पाच जण सुखरूप बचावल्याची घटना आज पहाटेच्या सुमारास घडली. पहाटे 2:30 वाजता पिंजर येथील आशिष मानकर याने जिवरक्षक दीपक सदाफळे यांना फोनवरून माहिती दिली की, माझ्या मित्राची गाडी कारंजा रोडवर पलटी होऊन अपघात झाला आहे.

हे देखील पहा -

माहिती मिळताच पथक प्रमुख दीपक सदाफळे यांनी दहा मिटितांच्या आत घटनास्थळी धाव घेतली. संबंधितांची विचारपुस केली असता धानोरा ताथोड ता.कारंजा जिल्हा वाशिम येथील रहिवासी असलेले कुटुंब आपल्या 17 महिन्याच्या बाळाला कारंजा येथील खासगी हाॅस्पिटल येथुन डाॅक्टरांच्या सांगण्यानुसार अकोला घेऊन चालले होते.

यावेळी कारने कारंजावरुन अकोल्याकडे जात असताना पिंजर जवळील टर्निंगवर डुक्कर आडवे गेल्याने कार पलटी झाली अन अपघात झाला! दैव बलवत्तर म्हणून या कारमधील सर्वजण सुखरुप आहेत. क्षणाचाही विलंब न करता जिवरक्षक दीपक सदाफळे यांनी आपल्या गाडी मध्ये बाळासह बाळाचे आई वडील व आजोबांना घेऊन अकोला येथे हाॅस्पिटल मध्ये दाखल केले.

Edited By : Krushnarav Sathe