लाडक्या बहिणींनी महायुतीला सत्ता मिळवून दिली पण आता याच बहिणींवरच सत्तेतल्या भावाचं प्रेम आटत चाललंय की काय असा प्रश्न विचारला जातोय. कारण सत्तेत आल्यानंतर लाडक्या बहिणींचा भार सरकारी तिजोरीला झेपेनासा झालाय. जास्तीत जास्त बहिणींना अपात्र कसं करता येईल यादृष्टीनं आधी निकषांची काटेकोर पडताळणी करण्यात आली..आणि आता थेट अर्थमंत्र्यांनीच योजनेत बदल करण्याची घोषणा करत लाडक्या बहिणींची धाकधूक वाढवलीय..

नुकत्याच सादर झालेल्या अर्थसंकल्पात लाडकीसाठीच्या 9 हजार कोटींच्या निधीला कात्री लावण्यात आल्याचं समोर आलंय... त्यामुळे 53 लाख लाडक्या बहीणींना आपोआप वगळल्या जातील चर्चा सुरु झालीय.. लाडक्या बहीणीमुळे तिजोरीवर ताण आल्याची कबुलीच सरकारमधील मंत्री देतायत. तर लाडकी बहीण तुमच्याकडे मागण्यासाठी आली नव्हती, असं म्हणत विरोधकांनी सरकारला धारेवर धरलंय.

लाडकीमुळे तिजोरीवर ताण आलाय, असे मंत्री दत्तात्रय भरणे म्हणाले. लाडक्या बहीणी तुमच्याकडे मागायला आल्या नव्हत्या, असे खासदार सुप्रिया सुळे म्हणाल्या.

मात्र लाडक्या बहीण योजनेचे सध्याचे निकष काय आहेत? पाहुयात

लाडक्या बहीण योजनेचे निकष

लाडकीचं वय 18 ते 65 वर्षादरम्यान असावं

कुटुंबाचं उत्पन्न अडीच लाखांपेक्षा जास्त नसावं

कुटुंबातील सदस्याच्या नावे चारचाकी असेल तर अपात्र ठरणार

घरात कुणीही शासकीय नोकरीला नसावं

लाडकी बहीण योजनेसाठी 45 हजार कोटींची आवश्यकता असताना सरकारने केवळ 36 हजार कोटींची तरतूद केलीय.. लाडकीसाठी निधीची अपुरी तरतूद, आतापर्यंत 9 लाख लाडक्या बहीणींना वगळण्यात आलंय.. त्यामुळे नव्या निकषांनुसार 50 लाखांपेक्षा जास्त लाडक्या अपात्र होण्याची भीती वर्तवली जातेय.