तबरेज शेख

Nashik News : नाशिकमधील सातपूर परिसर गोळीबार आणि कोयत्याच्या हल्ल्याच्या घटनेने खळबळ उडाली. या सिनेस्टाईल हल्ल्याने परिसरात मोठी दहशत निर्माण झाली आहे.

सातपूरच्या कार्बन नाका परिसरातील म्हसोबा मंदिराजवळ एका तरुणावर जीवघेणा हल्ला झाला. जुन्या वादातून तिघांनी तरुणावर गोळीबार तसेच कोयत्याने वार केले. हल्ल्याचा संपूर्ण थरार CCTV मध्ये कैद झाला आहे.

तपन जाधव जाधव या तरुणावर हा जीवघेणा हल्ला झाला आहे. सीसीटीव्हीतीली दृष्यांनुसार, संशयित आरोपी आशिष जाधव आपल्या २ साथीदारांसह गाडीतून येत तपनच्या गाडीला त्यांनी धडक दिली. जोरदार धडकेनंतर तपनची कार रस्तावर थांबली. मात्र आपल्यावर हल्ला होणार हे कळाल्यानंतर तपनने गाडीतून उतरुन पळ काढला. (Latest News)

यानंतर तीन हल्लेखोरांनी तपनचा पाठलाग करुन त्याच्यावर गोळीबार करत कोयत्याने वार केले, असं प्रत्यक्षदर्शींनी सांगितलं. या हल्ल्यात तपन जाधव गंभीररित्या जखमी झाला असून त्याच्यावर उपचार सुरु आहेत. या घटनेमुळे परिसरात राहणाऱ्या नागरिकांमध्ये प्रचंड दहशत निर्माण झाली आहे.