Samruddhi Mahamarg Accident News:  गेल्या काही दिवसांपासून समृद्धी महामार्गावर अपघातांचे प्रमाण वाढलं आहे. दररोज समृद्धी महामार्गावर किरकोळ आणि भीषण अपघात होत आहे. एकीकडे महामार्गावरील अपघात कमी करण्यासाठी परिवहन विभागाने गांधीगिरी सुरू केली असताना, दुसरीकडे समृद्धी महामार्गावर टायर फुटून आणखी एक भीषण अपघात झाला आहे. (Breaking Marathi News)

समृध्दी महामार्गावर टायर फुटून भीषण अपघात झाला आहे. नाशिकहून (Nashik) यवतमाळच्या दिशेने जाणाऱ्या गाडीचा समोरील टायर अचानक फुटल्याने हा अपघात झाला. सुदैवाने ही गाडी समृध्दी महामार्गाच्या रस्त्याच्या मधोमध जाऊन थाबली. टायर फुटला तेव्हा गाडीमध्ये चार जण प्रवास करीत होते मात्र सुदैवाने कोणतीही जीवितहानी झाली नाही. या अपघातात चौघेही किरकोळ जखमी झाले आहेत.

अपघाताची माहिती मिळताच पोलिसांनी क्रेनच्या मदतीने गाडी बाजूला करत समृद्धी महामार्गावरील वाहतूक सुरळीत सुरू केली. या अपघातात रितेश धात्रक, प्रिय ठाकूर, योगेश ठाकूर, श्लोक परदेशी हे प्रवाशी किरकोळ जखमी झाले आहेत.(Maharashtra News)

माजी रणजीपटू जखमी, पत्नीचा मृत्यू

दरम्यान, याच समृध्दी महामार्गावर मंगळवारी (१८ एप्रिल) नागपूरचे माजी रणजीपटू आणि बांग्लादेश क्रिकेट बोर्डाचे माजी क्युरेटर प्रवीण हिंगणीकर हे जखमी झाले. या अपघातात प्रवीण हिंगणीकर यांच्या पत्नी या जागीच ठार झाल्या. हा अपघात एवढा भीषण होता की वाहनाचा अक्षरशा चुराडा झाला.

प्रवीण हिंगणीकर यांना अपघात झाल्यानंतर त्यांना खाजगी रुग्णालयात दाखल करण्यात आले होते. त्यांच्या हाताला व पायाला जखमा झाल्या होत्या. गेल्या काही दिवसांपासून समृद्धी महामार्ग (Samruddhi Highway) मृत्यूचा सापळा बनला आहे. या ठिकाणी अपघात व बळींची संख्या दिवसेंदिवस वाढत आहे.