Maharashtra School News: मोठी बातमी! राज्यातील शाळा केव्हा सुरू होणार? समोर आली महत्वाची माहिती

Pune News: राज्यातील प्राथमिक व उच्च माध्यमिक शाळांच्या कालावधीमध्ये एकवाक्यता आणि सुसंगती आणण्यासाठी शैक्षणिक वर्षामध्ये (२०२३-२४) शाळा १५ जूनपासून सुरू होणार आहेत. तसेच विदर्भातील जून महिन्यातील तापमानाचा विचार करता येथील शाळा ३० जूनपासून सुरू करण्यात येतील, अशी माहिती प्राथमिक शिक्षण संचालकांनी दिली आहे. (Latest Marathi News)

राज्यातील शाळांना उन्हाळी सुट्टी २ मेपासून लागू होणार असून ही सुट्टी १४ जूनपर्यंत असणार आहे.प्राथमिक व उच्च प्राथमिक शाळांचा निकाल २९ एप्रिल रोजी अथवा त्यानंतर सुट्टीच्या कालावधीत जाहीर करावा.

शाळांतून उन्हाळ्याची व दिवाळीची दीर्घ सुटी कमी करून त्याऐवजी गणेशोत्सव किंवा नाताळ यांसारख्या सणांच्या दिवशी ती समायोजन करण्यासंदर्भात जिल्ह्याच्या शिक्षणाधिकाऱ्यांची परवानगी घ्यावी लागणार आहे . (Maharashtra Latest News)

प्रत्येक शैक्षणिक वर्षात इयत्ता पहिली ते पाचवीसाठी किमान २०० कार्यदिन आणि प्रत्यक्ष अध्यापनाचे किमान ८०० घड्याळी तास, तर इयत्ता सहावी ते आठवीसाठी किमान २२० कार्यदिन, ते प्रत्यक्ष अध्यापनाचे किमान एक हजार तास निश्चित केले आहेत.

त्याचप्रमाणे शैक्षणिक वर्षात सर्व प्रकारच्या एकूण सुट्ट्या ७६ दिवसांपेक्षा जास्त होणार नाहीत, याची दक्षता घ्यावी लागणार असल्याच नमूद केलं आहे.

आजी आजोबा दिवस साजरा होणार...

येत्या शैक्षणिक वर्षात एकत्रित कुटुंब पद्धतीमुळे 'आजी आजोबा दिवस' साजरा करण्यात येणार असल्याची माहिती दिपक केसरकर यांनी दिली आहे. "राष्ट्रीय शैक्षणिक धोरणाच्या माध्यमातून विद्यार्थ्यांना व्यावसायिक शिक्षण दिले जाणार. 20 मे पर्यंत सर्व त्रूटी पूर्ण करणाऱ्या शिक्षकांना अनुदान देण्यात येणार आहे.  शिक्षक सेवकांच्या पगारात वाढ करण्यात आली आहे. शिष्यवृत्तीमध्येही वाढ करण्यात आली आहे.