- विनायक वंजारे

Konkan News:

सिंधुदूर्ग जिल्ह्यातील दोडामार्ग तालुक्यातील मोर्ले गावात सध्या हत्ती आणि हत्तीच्या एका पिल्लूने धुमाकूळ घातला आहे. हे दोन्ही हत्ती मोर्ले परीसरातील शेती, फळ बागांमध्ये घुसत आहे. यामुळे शेतकरी त्रस्त झालेत. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

या हत्तींकडून बागायतीसह शेतीचे माेठ्या प्रमाणात नुकसान हाेऊ लागले आहे. भरवस्ती जवळ येऊन हे हत्ती बागायतींचे नुकसान करत असल्यामुळे शेतकरी आर्थिक संकटात सापडू लागली आहे. हत्तींमुळे परिसर चिंताग्रस्त झाला आहे.

दरम्यान घरा शेजारी येऊन नुकसान करणाऱ्या हत्तींशी विनवणी करतानाचा एका ग्रामस्थाचा व्हिडिओ सध्या सिंधुदुर्ग जिल्ह्यात व्हायरल हाेऊ लागला आहे. 'गणराज कृपाकर पण शेताचे नुकसान करू नको, जंगलातच राहा' अशी विनंती ग्रामस्थ हत्तीला करताना दिसत आहे. त्यानंतर हत्ती देखील माघारी फिरताना या व्हिडिओत दिसून येत आहे. (Maharashtra News)

दरम्यान सिंधुदूर्ग जिल्ह्यातील काही गावांमध्ये हत्ती घराशेजारील ठेवले पाणी देखील फस्त करत असल्याने ग्रामस्थ चिंतेत पडले आहेत. काहींनी तर समाज माध्यमात व्हिडिओ पाेस्ट करुन भय इथले संपत नाही असे नमूद करुन हत्तींचा बंदाेबस्त करण्याची मागणी केली आहे.

Edited By : Siddharth Latkar