Maharashtra Assembly Election Date : आगामी विधानसभा निवडणुकीची आचारसंहिता कधी लागणार? सत्ताधारी आणि विरोधी पक्षातील नेत्यांनी केलेल्या वेगवेगळ्या दाव्यामुळे उत्सुकता वाढली आहे. पण केंद्रीय निवडणूक आयोगाचाच याबाबत अंतिम निर्णय असेल. निवडणूक आयोग कोणत्याही क्षणी निवडणुकीची घोषणा करु शकते. त्यातच आज सकाळी राज्य मंत्रिमंडळाची बैठक पार पडणार आहे. (2024 Maharashtra Legislative Assembly election)
याआधी १० ऑक्टोबर रोजी राज्य मंत्रिमंडळाची बैठक पार पडली होती, ही शेवटची बैठक असल्याचे बोलले जात होते. या बैठकीत सत्ताधारी पक्षाने अनेक निर्णय घेतले होते. त्यातच आता मिळालेल्या माहितीनुसार, सुट्टीच्या दिवशीही सरकारने काही शासन निर्णय जारी केले आहेत. त्यामुळे कोणत्याही क्षणी आचारसंहिता लागू शकते असा कयास बांधला जात आहे. आज सकाळी साडेनऊ वाजता मंत्रिमंडळाच्या बैठकीला सुरुवात होणार आहे. ही शेवटची मंत्रिमंडळाची बैठक असल्याचे बोलले जात आहे.
भाजपमधील सूत्रांनी दिलेल्या माहितीनुसार, १६ किंवा १७ ऑक्टोबर रोजी राज्यात आचारसंहिता जाहीर होऊ शकते. तर आयएएस लॉबीमधील अंदाजानुसार १५ ऑक्टोबरपासूनच आचारसंहिता जाहीर होऊ शकते. आचारसंहिता कधी लागणार, याबाबतचे वेगवेगळे अंदाज वर्तवले जात आहेत. शरद पवार आणि उद्धव ठाकरे यांनी शुक्रवारपर्यंत आचारसंहिता लागण्याचा अंदाज वर्तवला आहे.
गेल्या महिन्यात केंद्रीय निवडणूक आयोगाने राज्याचा आढावा दौरा केला होता. त्यानंतर घेतलेल्या पत्रकार परिषदेत २६ नोव्हेंबर पूर्वी सर्व प्रक्रिया पूर्ण करु, असा विश्वास व्यक्त करण्यात आला होता. आचारसंहितेचा कालावधी ३० दिवसांचा असेल, हे लक्षात घेतल्यास कोणत्याही क्षणी निवडणुकीची घोषणा केली जाऊ शकते. कारण, विधानसभा निवडणुका पार पडल्यानंतर २६ नोव्हेंबरपर्यंत पहिले अधिवेशन घ्यावे लागणार आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.