Shreya Maskar
गुढीपाडवा हा सण यंदा 19 मार्चला आला आहे. गुढीपाडव्याला महिला वर्ग छान नऊवारी साडी नेसून, मराठमोळा साज श्रृंगार करून तयार होतो.
गुढीपाडवा हा हिंदूंचा प्रमुख सण असून, तो मराठी नववर्षाचा पहिला दिवस मानला जातो. या दिवशी दारासमोर रांगोळी काढतात आणि गुढी उभारतात आणि देवाला गोडाचा नैवेद्य दाखवतात.
गुढीपाडव्याला तुम्हाला सुंदर मराठमोळा लूक हवा असेल तर सुंदर लाल, हिरव्या रंगाची साडी नेसा. तसेच साडीला मॅचिंग पारंपरिक दागिने घाला. हातात हिरवा चुडा, कपाळावर चंद्रकोर आण केसात गजरा माळायला विसरू नका.
साज श्रृंगार म्हटले की सुंदर मेकअप आलाच. गुढीपाडव्याला मराठमोळा लूक करण्यासाठी साध्या सिंपल मेकअप स्टेप्स फॉलो करा. जेणेकरून तुमचा लूक खूपच सुंदर दिसेल.
मेकअप करण्याआधी चेहरा स्वच्छ धुवून मॉइश्चरायझ करा. त्यानंतर चेहऱ्याला प्रायमर लावा. प्रायमरमुळे मेकअप चांगला सेट होतो.
साडीला मॅचिंग शेड्सचे शिमर, हायलायटर, ब्लश लावा. चेहऱ्यावरील डाग लपवण्यासाठी कलर करेक्टरचा वापर करा. यामुळे तुमचा चेहरा अधिक ग्लो करतो.
आजकाल स्मोकी आइज प्रचंड क्रेझ आहे. डोळ्यांच्या मेकअपमध्ये आयब्रो पेन्सिल आणि मस्कारा लावायला विसरू नका.मेकअपमध्ये मान आणि चेहऱ्याचा स्किन टोन सारखा राहील याची काळजी घ्या.
तुम्ही जेल बेस लिपस्टिक ऐवजी मॅट बेस किंवा लिक्विड मॅट लिपस्टिकची निवड करा. त्यानंतर मेकअप चांगला सेट करण्यासाठी स्प्रे चेहऱ्यावर मारा.