राजेश भोस्तेकर

रायगड - आई आणि मुलाच्या भांडणात लहान भावाने मध्यस्ती करून आईला आपल्या घरी नेले. हा राग मनात धरून मोठ्या भावाने लहान भावावर तलवारीने (Sword) वार करून दुखापत केल्याची घटना रेवदंडा येथे 6 जानेवारी रोजी रात्रीच्या सुमारास घडली आहे. याबाबत रेवदंडा पोलीस (Revdanda Police) ठाण्यात मोठ्या भावावविरोधात गुन्हा दाखल करण्यात आला आहे. (Latest Raigad Crime News)

हे देखील पहा -

अलिबाग (Alibag) तालुक्यातील रेवदंडा (Revdanda) गावातील मोठे बंदर परिसरात आरोपी आणि लहान भाऊ आईसोबत हे एकमेकांच्या शेजारी राहतात. 6 जानेवारी रोजी रात्री नऊ वाजण्याच्या सुमारास आरोपी (Accused) आणि आई यांच्यात भांडण सुरू झाले. लहान भाऊ याने दोघांचे भांडण मिटवून आईला आपल्या घरात नेले. आईला भावाने स्वतःच्या घरी नेल्याने आरोपी भावाने घरातील तलवार आणून तू आईला का नेलेस असा जाब विचारून तलवारीने वार केला. भावाने केलेला वार हा किरकोळ असला तरी लहान भाऊ यामध्ये जखमी झाला आहे.

लहान भावाने घडलेला प्रकार रेवदंडा पोलिसांना सांगितला असून तक्रार दाखल केली. पोलिसांनी तक्रारीनुसार आरोपी भावाविरोधात गुन्हा दाखल केला आहे. रेवदंडा पोलीस ठाण्याचे उपनिरीक्षक व्ही के सरके हे पोलीस निरीक्षक अशोक थोरात याच्या मार्गदशनाखाली पुढील तपास करीत आहेत.

Edited By - Shivani Tichkule