ठाणे: राज्यात राजकीय घडामोडींना पुन्हा वेग आला आहे. विधापरिषदेच्या निवडणुकीच्या पार्श्वभूमीवर एकनाथ शिंदे अॅक्शन मोडवर आल्याचे पाहायला मिळत आहे. राष्ट्रवादी काँग्रेस (शरदचंद्र पवार) पक्षाचे लातूर ग्रामीण जिल्हाध्यक्ष आणि माजी राज्यमंत्री विनायक पाटील यांनी आज आपल्या शेकडो कार्यकर्त्यांसह उपमुख्यमंत्री एकनाथ शिंदे यांच्या उपस्थितीत शिवसेनेत जाहीर प्रवेश केला. ठाणे येथील कार्यालयात हा पक्षप्रवेश सोहळा पार पडला.
विनायक पाटील यांच्यासोबत लातूरमधील अनेक पदाधिकारी आणि कार्यकर्त्यांनीही हाती 'धनुष्यबाण' घेतला आहे. पाटील हे गेल्या अनेक वर्षांपासून लातूरच्या राजकारणात सक्रिय असून, त्यांच्याकडे ग्रामीण जिल्हाध्यक्षपदाची महत्त्वाची जबाबदारी होती. मात्र, आता त्यांनी महायुतीत सामील होण्याचा निर्णय घेतल्याने लातूर जिल्ह्यात शरद पवार गटाला मोठे खिंडार पडले आहे.
विनायक पाटील यांच्या पक्षप्रवेशामुळे लातूर ग्रामीण आणि जिल्ह्यात शिवसेनेची ताकद लक्षणीयरीत्या वाढणार आहे. उपमुख्यमंत्र्यांच्या कामाच्या धडाक्यावर विश्वास ठेवून आम्ही हा निर्णय घेतला आहे, अशी प्रतिक्रिया यावेळी कार्यकर्त्यांकडून देण्यात आली. या प्रवेशामुळे आगामी निवडणुकांमध्ये लातूरमधील राजकीय समीकरणे बदलण्याची शक्यता वर्तवली जात आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.