Deepak Kesarkar On Teacher Transfer: राज्यातील शिक्षक बदल्यांबाबत शिक्षणमंत्री दिपक केसरकर यांनी मोठी घोषणा केली आहे. यापुढे राज्यसरकारच्या शाळांमध्ये शिकवत असलेल्या शिक्षकांच्या बदल्या न करण्याचा सरकार निर्णय घेणार आहे.

काय म्हणाले दीपक केसरकर?

दीपक केसरकर म्हणाले की, या वर्षीपासून सर्व शासनाच्या मुलांना आम्ही गणवेश दिले जाणार आहेत. लवकरच स्कूल बुट व इतर साहित्य आम्ही देणार आहोत. हा विषय लवकरच राज्यमंत्री मंडळाच्या बैठकित घेतला जाईल.

शिक्षकाच्या बदल्याबाबत ते म्हणाले, ''शिक्षकाच्या बदल्या आम्ही रद्द करण्याचा विचार आम्ही करतोय. कारण संबधित शिक्षकांची मुलांना सवय झालेली असते. शिक्षकाला पुरेसा वेळ देता येतो.'' (Latest Marathi News)

केसरकर म्हणाले की, ''शिक्षकांना बदल्यांसाठी कुणालाही पैसे देऊ नका, असे सांगितलेले आहे. शिक्षकाच्या फक्त विनंतीनंतरच त्यांची बदली होईल. तसेच गैरवर्तवणूक झाल्यास त्याची बदली होतील. लवकरच याबाबत आम्ही शासन निर्णय काढणार आहोत.''

शिक्षक भरतीची कधी होणार?

याबाबत बोलता दीपक केसरकर म्हणाले, ''शिक्षक भरतीची प्रक्रिया पुर्ण झालेली आहे.'' शिवसेनेच्या वर्धापन दिनाबाबत बोलताना ते म्हणाले, ''वर्धापन दिनानिमित्त आम्ही शक्ती प्रदर्शन करणार नाही. आमचा पक्ष मोठा आहे. आमचे शाखाप्रमुख सर्व मुंबईत यावेत ही आमची अपेक्षा आहे. आम्ही छोट्या हाॅलमध्ये वर्धापन दिन करू इच्छित नाही.''