वसई विरार महापालिकेचे तत्कालीन आयुक्त अनिलकुमार पवारांच्या निरोप समारंभाची ही दृश्य...28 जुलैच्या या निरोप समारंभात सत्ताधारी आणि विरोधकही हजर होते. मात्र दुसऱ्याच दिवशी सकाळी आयुक्तांच्या दारात ईडीचे अधिकारी हजर झाले. आणि आयुक्तांनी जमवलेली सगळी माया समोर आली.आयुक्तांच्या शासकीय निवास्थानातून कागदपत्र, हार्ड डिस्कसह मोठा डेटा, आणि 1 कोटी रुपये जप्त केल्याची माहिती सूत्रांनी दिलीय. एवढंच नाही तर आयुक्तांनी आत्तापर्यंत जमवलेली संपत्तीही समोर आलीय.

माजी आयुक्त अनिल पवारांची मालमत्ता

नाशिकच्या सटाण्यात शेतजमीन, फार्म हाऊस

किंमत - 16 लाख रुपये

सटाण्यातील फ्लॅट

किंमत - 30 लाख रुपये

बागलाणच्या आरईमध्ये 3 ठिकाणी प्लॉट्स

किंमत - 1 कोटी 27 लाख

पाथर्डी तालुक्यात प्लॉट

किंमत - 50 लाख रुपये

पुण्यातील शिवाजीनगर परिसरात आलिशान फ्लॅट

किंमत - 1 कोटी 94 लाख

दरम्यान, निरोप समारंभानंतर महत्त्वाची कागदपत्रं पवार घेऊन गेल्याचा आरोप केला जातोय. एवढंच नाही तर आयुक्तांच्या निवासस्थानी बांधकाम व्यावसायिक, कॉन्ट्रेक्टर याची बैठक झाल्याचीही चर्चा आहे. ईडीची छापेमारी नालासोपाराच्या 41 अनधिकृत इमारत प्रकरणी झाल्याचं सांगितलं जातयं.. तसचं आयुक्तांशी संबंधित 12 ठिकाणीही छापेमारी करण्यात आलीय.

भ्रष्ट आयुक्तांवर ED चा छापा

पवार यांच्यावर अवैध आणि बेहिशेबी माया जमवल्याचा आरोप

250 ते 200 इमारतींना Offline CC दिल्याची माहिती

मलनिस्सारण प्रकल्प आणि कचरा डेपोच्या आरक्षित जागेवर अनधिकृत बांधकामाला परवानगी

बदलीच्या अखेरच्या दिवशी अनेक फाईल मंजूर केल्याचा आरोप

दुसरीकडे आयुक्तांवर ईडीची छापेमारी झाल्यानंतर कामणमधील नागरिकांनी जल्लोष साजरा केला.

राज्यात आतापर्यंत अनेक अधिकाऱ्यांवर, भ्रष्टाचाराचे आरोप झालेत.मात्र कालांतरानं निर्दोष मुक्तता करण्यात आलीय. वसई विरार शहराच्या दुर्दशामुळे माजी आयुक्त अनिलकुमार पवारांवर अनेक आरोप झाले. मात्र आरोपानंतर आणि आता ईडीच्या छापेमारीनंतर पवारांवर नेमकी काय कारवाई होणार? की राजकीय लागेबंधे वापरून पवार स्वत:ची आरोपातून मुक्तता करून घेणार... हे पाहणं महत्त्वाचं आहे.