डोंबिवली : मलंगगड परिसरात उसाटणे गावातील (Dombivli) खोणी तळोजा महामार्गाच्या बाजूला आज सकाळी एक अजगर मारून टाकलेल्या अवस्थेत आढळून आला. याप्रकरणी वन विभागाकडून (Forest Department) गुन्‍हा दाखल करण्यात आला असून याचा तपास सुरू आहे. (Breaking News Marathi)

मलंगगड परिसरात असलेल्‍या उसाटणे गावात अजगर मृतावस्‍थेत आढळून आला. याच दरम्‍यान या अजगराला मारून इथे टाकल्यानंतरचे काही फोटो स्थानिक (Whatsapp) व्हॉट्सऍप ग्रुपवर व्हायरल झाले होते. या अजगराचे डोकं ठेचून त्याची हत्या करण्यात आली होती. याबाबतची माहिती मिळताच वन विभागाने घटनास्थळी येत पाहणी आणि पंचनामा केला.

दोषीवर होणार कारवाई

अजगराची हत्या करणाऱ्या अज्ञात इसमाविरोधात गुन्हा दाखल करण्यात आला असून संशयितांची चौकशी वन विभागाकडून केली जातेय. यात दोषी आढळणाऱ्यांवर कारवाई केली जाणार असल्याची माहिती वन अधिकारी विवेक नातू यांनी दिली आहे.