अभिजित देशमुख

कल्याण : संभाजी भिडे यांनी राष्ट्रपिता महात्मा गांधी, महात्मा फुले यांच्याबद्दल वादग्रस्त वक्तव्य केल्याने त्यांच्यावर चौफेर टीका सुरु आहे. या पार्श्वभूमीवर (Dombivali) डोंबिवलीत देखील रिपब्लिकन सेनेच्या वतीने संभाजी भिडे (Sambhaji Bhide) यांची प्रतिमा जाळत निषेध करण्यात आला. (Maharashtra News)

राज्यभरात संभाजी भिडे यांच्या विरोधात गुन्हा दाखल करत अटक करण्याची मागणी करत आंदोलन सुरु आहेत. डोंबिवलीतील इंदिरा चौकात रिपब्लिकन सेनेच्या पदाधिकारी कार्यकर्त्यांनी संभाजी भिडे यांची प्रतिमा जाळत भिडे यांचा निषेध नोंदवला. तसेच त्यांच्यावर गुन्हा दाखल करून त्यांना अटक करावी; अशी मागणी आंदोलनकर्त्यांनी केली.

देशद्रोही जाहीर करा 

यावेळी संभाजी भिडे विरोधात जोरदार घोषणाबाजी करत महात्मा ज्योतिबा फुले, महात्मा गांधी, सावित्रीबाई फुले, छत्रपती संभाजी महाराज या महापुरुषांचा तसेच तिरंगी झेंड्याचा अपमान करणाऱ्या भिडे यांना देशद्रोही जाहीर करावे.