सोलापूर : सोलापुरात निवासी डॉक्टरने आत्महत्या केल्याची धक्कादायक घटना समोर आली आहे. सोलापुरातील छत्रपती शिवाजी महाराज सर्वोपचार रुग्णालयात ही घटना घडली आहे. डॉ. गौरव वखरे असं आत्महत्या केलेल्या मृत डॉक्टरचं नाव आहे.

डॉ. गौरव यांनी रुग्णालय वसतिगृहातील स्वतःच्या खोलीत आत्महत्या करत आपलं जीवन संपवलं आहे. अ‍ॅनेस्थेशियाचा हायडोस इंजेक्शन घेऊन आत्महत्या केल्याची प्राथमिक माहिती आहे. अ‍ॅनेस्थेशिया याच विषयावर डॉ. गौरव अभ्यास करत होते. (Latest News Marathi)

डॉ. गौरव हे मुळचे अंबेजोगाईचे असल्याची माहिती समोर आली आहे. गौरव यांनी आत्महत्या का केली याचं कारण अद्याप अस्पष्ट आहे. मृतदेह शवविच्छेदनासाठी सिव्हिल हॉस्पिटलमध्ये पाठवण्यात आला आहे.