भरत मोहोळकर, साम टीव्ही, प्रतिनिधी

विधानसभेपूर्वी मविआत मुख्यमंत्री पदावरून रस्सीखेच सुरू असतानाच आता जागावाटपावरून ठाकरे गट अधिकच आक्रमक झाला आहे. तर लोकसभेच्या यशावरून आपणच महाविकास आघाडीतील मोठा भाऊ असल्याचा दावा काँग्रेसकडून करण्यात येत आहे. त्याचा ठाकरे गटाचे संजय राऊत यांनी चांगलाच समाचार घेतलाय.

आमच्यामुळे काँग्रेसच्या जागा वाढल्याचं सांगत राऊतांनी काँग्रेसला आरसा दाखवलाय. तर राऊतांनी बातम्या देण्यासाठी असं वक्तव्य केल्याचा पलटवार काँग्रेस नेते बाळासाहेब थोरात यांनी केला आहे.

लोकसभा निवडणुकीत काँग्रेसच्या सर्वात मोठा पक्ष ठरला. त्यामुळे विधानसभेसाठी काँग्रेसकडून जास्तीच्या जागांवर आग्रह धरला जातोय, अशी माहिती सूत्रांनी दिली. तर मुख्यमंत्रिपदावरही काँग्रेसने दावा सांगितल्याने ठाकरे गट आक्रमक झालाय. तर महाविकास आघाडीच्या बैठकांमध्ये ठाकरे गटाने मुख्यमंत्रिपदाच्या बदल्यात काँग्रेसपेक्षा 10 जागा कमी घेण्याचा प्रस्ताव दिल्याची माहिती सुत्रांनी दिलीय. हा प्रस्ताव काय आहे, जाणून घेऊ....

ठाकरेंचा मविआत नवा फॉर्म्युला?

नाना पटोले

काँग्रेस - जागा 105

उद्धव ठाकरे

ठाकरे गट- 95 जागा

शरद पवार

राष्ट्रवादी (शरद पवार गट)- 88 जागा

लोकसभेत एकदिलाने लढल्याने महाविकास आघाडीने महायुतीचा मोठा पराभव केला. मात्र आता विधानसभेपुर्वी महाविकास आघाडीत मुख्यमंत्रिपद आणि जागा वाटपावरून धुसफूस सुरू आहे. त्यामुळे महाविकास आघाडीतील वाद न मिटल्यास विधानसभेला महाविकास आघाडीसाठी सत्तेची वाट अवघड बनण्याची शक्यता आहे.