- मनोज जयस्वाल

दिगंबर पंथावर होत असलेल्या अन्याया विरोधात आज (शुक्रवार) सकल दिगंबर जैन समाजाच्या वतीने वाशिम येथील खंडेलवाल दिगंबर जैन मंदिर ते जिल्हाधिकारी कार्यालय असा धडक मोर्चा काढण्यात आला. या माेर्चात वाशिम जिल्ह्यासह राज्यातील समाजबांधव माेठ्या संख्येने सहभागी झाले होते.

या माेर्चेकरांनी साम टीव्हीला दिलेल्या माहितीनूसार शिरपूर जैन येथील अंतरीक्ष पार्श्वनाथ दिगंबर जैन मंदिरात वारंवार गुजराती श्वेतांबरी जैन समाजाकडून गुंडांच्या माध्यमातून स्थानिक मुळनिवासी महाराष्ट्रीयन मराठी दिगंबर जैन पंथाच्या समाजावर अन्याय केला जाताे. तसेच दर्शना करीता जात असलेल्या भक्तांवर गुंडागर्दी, अरेरावी, मारामारी शिवीगाळ केली जाते. या विराेधात आजचा माेर्चा असल्याचे सांगितले.

जिल्हाधिकारी यांनी दिलेल्या निवेदनात पुजारी महेश जैन यांना तडीपार करावे. दिगंबरी समाजाकडुन गेलेल्या तक्रारीचा एफआयआर दाखल केल्या जात नाहीत त्या एनसी दाखल केल्या जातात. त्यालाही उशीर केल्या जाताे. जे वादाच्या ठिकाणी उपस्थित नसतात त्यांचावरही एलसीबीच्या माध्यामातुन कार्यवाही करण्याचे काम केले जाते.

दिगंबरी समाजातील कर्मचाऱ्यांना नाहक त्रास देवून खोटया जातीवाचक आणि विनयभंगाचा धाक दडपण दाखवित एफआयआर न देण्यासाठी दबाव तंत्राचा वापर केला जातो असे नमूद करण्यात आले आहे.

Edited By : Siddharth Latkar