धुळे : मुख्यमंत्री एकनाथ शिंदे व उपमुख्यमंत्री देवेंद्र फडणवीस यांच्‍या नैतिकतेवर बोलण्याअगोदर आपली नैतिकता पाहून बोलाव; असे म्हणत आदिवासी विकासमंत्री विजयकुमार गावित (Vijaykumar Gavit) यांनी उद्धव ठाकरे (Uddhav Thackeray) यांच्यावर निशाणा साधला आहे. (Latest Marathi News)

माजी मुख्‍यमंत्री उद्धव ठाकरे यांनी आज पत्रकार परिषदेच्या माध्यमातून मुख्यमंत्री एकनाथ शिंदे (Eknath Shinde) व उपमुख्यमंत्री देवेंद्र फडणवीस यांनी नैतिकतेची जबाबदारी घेत राजीनामा देण्याचे वक्तव्य केले आहे. या वक्‍तव्‍याचा समाचार आदिवासी विकासमंत्री विजयकुमार गावित यांनी धुळ्यात घेतला.

आदिवासी विकास मंत्री विजयकुमार गावित धुळ्यात आले असता त्यांना उद्धव ठाकरे यांनी केलेल्या वक्तव्यावर विचारणा केली असता गावित यांनी उद्धव ठाकरे यांच्या वक्तव्याचा समाचार घेतला आहे.