भूषण अहिरे

धुळे : महाराष्ट्र लोकसेवा आयोग परीक्षा उत्तीर्ण होऊन नोकरी मिळाली नसल्याच्या नैराश्यातून स्वप्निलने (Swapnil Lonkar) आत्‍महत्‍या केली. स्‍वप्‍नीलने उचललेले पाऊल हे अतिशय चुकीचे असल्याची भावना धुळे जिल्ह्याचे पोलिस अधीक्षक चिन्मय पंडित यांनी व्यक्त केली. अशा पद्धतीने स्पर्धा परीक्षेची तयारी करणाऱ्या विद्यार्थ्यांनी निराश होऊन जाऊ नये असे आवाहन पोलिस अधिक्षक चिन्‍मय पंडित यांनी केले आहे. (Swapnil-Lonkar-suicide-case-Appeal-to-Superintendent-of-Police-Chinmay-Pandit)

महाराष्ट्र लोकसेवा आयोगाच्या (MPSC) परिक्षेत उत्तीर्ण होऊनही अद्याप नोकरी नसल्याच्या तणावातुन व आर्थिक परिस्थितीमुळे स्वप्नील लोणकर (Swapnil Lonkar) या विद्यार्थ्याने गळफास घेऊन आत्महत्या केल्याचा धक्कादायक प्रकार उघडकीस आला. ही घटना फुरसुंगी जवळील गंगानगर येथे घडली. स्वप्नीलचे वडील सुनील लोणकर यांचा शनिवार पेठेत बिल बुक बनविण्याचा छोटा प्रिटींग प्रेसचा व्यवसाय आहे. ते व त्यांच्या पत्नी असे दोघेजण संबंधीत व्यावसाय पाहतात. तर स्वप्नीने स्थापत्य अभियांत्रिकीची पदवी प्राप्त केली होती. ही धक्‍कादायक प्रकार स्‍पर्धा परीक्षांची तयारी करणाऱ्या विद्यार्थींसाठी मनाला भिडणारी आहे.

धैर्याने सामोरे जावे

पोलिस अधिक्षक पंडित यांनी सांगितले, की आलेल्या परिस्थितीला धैर्याने सामोरे जावे. यश नक्की मिळेल अशा पद्धतीने पोलीस अधीक्षक चिन्मय पंडित यांनी स्पर्धा परीक्षेची तयारी करणाऱ्या विद्यार्थ्यांना कुठल्याही परिस्थितीमध्ये खचून न जाण्याचे आवाहन केले आहे. अडचणी आल्‍या तरी त्‍यास सामोरे जायची तयारी ठेवावी.