माहिमच्या एल. जे रोडवर कबुतरांना खाद्य घातल्याने एका अनोळखी चारचाकी चालकाविरोधात मुंबई पोलिसांनी गुन्हा दाखल केलाय. भारतीय न्याय संहितेच्या कलम २२३, २७० आणि २७१ अंतर्गत हा गुन्हा नोंदवण्यात आलाय. संपूर्ण मुंबईत किती कबुतरखाने आहेत याची माहिती घेऊया.
मलबार हिल- 04
गिरगाव- 04
वरळी- 03
दादर- 01
वांद्रे पूर्व- 04
अंधेरी- 6
गोरेगाव- 03
मालाड- 10
तर दादरमधील कबुतरखाना तोडण्यासाठी गेलेल्या महापालिकेच्या पथकाला नागरिकांनी जोरदार विरोध केलाय. ब्रिटीश काळापासून मुंबईत कबुतरखाने आहेत. त्यातील काही कबुतरखान्यांना धार्मिक आणि सामाजिक संदर्भ आहेत... मात्र गेल्या काही वर्षात कबुतरांना खायला टाकणाऱ्यांचं प्रमाण वाढलं आणि कबुतरांच्या संख्येतही मोठी वाढ झाली.. त्यामुळे नागरिकांचा श्वसनाच्या आजारामुळे मृत्यू झाल्याच्या घटना घडल्या... त्यामुळे अखेर उच्च न्यायालयाने कबुतरांना खायला घालणाऱ्यांविरोधात गुन्हे दाखल करण्याचे निर्देश दिले.
3 जुलै
मुंबईतील 15 कबुतरखाने ताबडतोब बंद कऱण्याचा निर्णय
3 जुलै
कबुतरांना खायला टाकणाऱ्यांविरोधात 500 रुपयांच्या दंडाचा निर्णय
11 जुलै
महापालिकेकडून कबुतरखान्यांवर छापेमारी करत 61 हजार रुपयांचा दंड आणि खाद्य जप्त
12 जुलै
धार्मिक स्वातंत्र्य आणि सांस्कृतिक वारशाचं उल्लंघनाचं कारण देत उच्च न्यायालयात याचिका
13 जुलै
कबुतरांमुळे आरोग्याला हानी पोहचत असल्याचे वैद्यकीय पुरावे देण्याचे आदेश
31 जुलै
बेकायदेशीरपणे कबुतरांना खाद्य देणाऱ्यांविरोधात गुन्हे दाखल करण्याचे आदेश
उच्च न्यायालयाच्या निर्देशानंतर पहिला गुन्हा दाखल झाला असला तरी पक्षीप्रेमींचा विरोध तीव्र होतोय.. त्यामुळे सर्व जनतेचं आरोग्य महत्वाचं की काही नागरिकांच्या भावना याचा विचार करणं आता गरजेचं आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.