धुळे : गेल्या चार-पाच दिवसांपासून देशभरात थंडीचा कडाका चांगलाच वाढला आहे. राज्‍यातील अनेक शहरे गारठली आहेत. आज राज्यामध्ये धुळे (Dhule) जिल्ह्यात सर्वाधिक कमी तापमानाची नोंद झाली. रविवारी ७.५ अंश सेल्सिअस इतक्या निच्‍चांकी तापमानाची (Lowest Temperature) नोंद धुळ्यामध्ये करण्यात आली होती. यात दोन अंशाची घसरण झाली आहे. (Dhule-news-recorded-the-lowest-temperature-Mercury-down-by-two-degrees)

गेल्या दोन दिवसांपासून धुळ्यामध्ये थंडीचा कडाका चांगलाच वाढला आहे. आज धुळ्यामध्ये ५.५ अंश सेल्सिअस तापमानाची नोंद करण्यात आली आहे. या थंडीच्या कडाक्यामुळे धुळेकर चांगलेच गारठल्याचे बघावयास मिळत आहे. उबदार कपडे त्याचबरोबर शेकोटीचा आधार घेत धुळेकर गुलाबी थंडीचा आनंद घेत आहेत.

आणखी दोन दिवस कडाका

धुळे जिल्ह्यातील तापमान रविवारी ७ अंश सेल्सिअसवर पोहोचले होते. त्यामुळे जिल्ह्यात चांगलाच गारठा वाढला होता. यात आज आणखी घसरण झाली आहे. दरम्यान पुढील ४८ तास थंडीचा कडाका असाच राहणार असल्याची माहिती हवामान विभागाने दिली आहे.