धुळे : महाविद्यालयीन तरुण- तरुणींना अश्लील चाळे करण्यासाठी एकांत मिळावा या हेतूने तयार केलेल्या कॅफेवर (Police) पोलिसांनी धाड टाकली. या कॅफेमध्ये अश्लील चाळे करणाऱ्या महाविद्यालयातील (Dhule) तरुण- तरुणींना पोलिसांनी ताब्यात घेतले आहे. तसेच कॅफे मालकाची देखील चौकशी करण्यात येत आहे. (Latest Marathi News)

धुळे शहरातील देवपूर पोलीस ठाण्याच्या हद्दीमध्ये स्वामीनारायण मंदिराकडे जाणाऱ्या मार्गाजवळ एका कॅफेमध्ये महाविद्यालयीन तरुण- तुरुणींकडून अश्लील चाळे सुरू असल्याची माहिती पोलिसांना (Dhule Police) मिळाली होती. या माहितीच्या अनुषंगाने संबंधित ठिकाणी पोलिसांनी पथकासह धाड (Police Raid) टाकत कॅफेची तपासणी केली. त्यामध्ये आठ तरुण व आठ कॉलेज तरुणी या संबंधित कॅफेवर अश्लील चाळे करत असल्याचे पोलिसांना आढळून आले आहे.  

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

कॅफे मालकावरही कारवाई 

पोलिसांनी कॅफेवर टाकलेल्या धाडमध्ये अश्लील चाळे करणाऱ्या महाविद्यालयीन तरुण-तरुणींना ताब्यात घेतले आहे. तसेच कॅफे मालकावर देखील या संदर्भात देवपूर पोलीस ठाणे अंतर्गत कारवाई करण्यात येत आहे. कॅफेमध्ये उघडकीस आलेल्या या धक्कादायक प्रकारामुळे खळबळ उडाली आहे.