धुळे : सणासुदीच्या काळामध्ये शहरात वीज वितरण विभागाच्या (MSEDCL) मार्फत थकीत वीज बिल धारकांचे वीज कनेक्शन कट करण्यासंदर्भात रीक्षामधून अनाउन्समेंट केली जात आहे. सणासुदीच्या काळामध्ये नागरिकांना विज बिल न भरल्यामुळे कनेक्शन कट करण्याचा धाक दाखवून वेठीस धरल्यावरून संबंधित अधिकाऱ्यांच्या विरोधात घोषणाबाजी करण्यात आली आहे. (Live Marathi News)

वीज वितरण विभागातर्फे सक्तीची वसुली करू नये तसेच शहरात सुरू असलेला विजेचा लपंडाव रोखण्यात यावा. या संदर्भात देखील (Shiv Sena) शिवसेनेच्या माध्यमातून संबंधित अधिकाऱ्यांना निवेदन देऊन सूचित करण्यात आले आहे. सक्तीची (Dhule News) वसुली त्याचबरोबर विजेचा सुरू असलेला लपंडाव थांबवला नाही. तर शिवसेना स्टाईलने आंदोलन करण्याचा इशारा देखील शिवसेनेच्या पदाधिकारी व कार्यकर्त्यांच्या माध्यमातून संबंधित अधिकाऱ्यांना देण्यात आला आहे.

अधिकाऱ्यांच्या विरोधात घोषणाबाजी

थकित बील असलेल्‍या ग्राहकांचे वीज कनेक्शन कट केले जाईल, अशा प्रकारच्या सूचना दिल्या जात आहेत. या विरोधामध्ये शिवसेनेच्या माध्यमातून वीज वितरण अधिकाऱ्यांना घेराव घातला. सणासुदीच्या काळामध्ये नागरिकांना विज बिल न भरल्यामुळे कनेक्शन कट करण्याचा धाक दाखवून वेठीस धरल्यावरून संबंधित अधिकाऱ्यांच्या विरोधात घोषणाबाजी करण्यात आली आहे.