धुळे : सध्या संपूर्ण राज्यामध्ये लोडशेडिंग सुरू आहे. त्यामुळे विजेचा लपंडाव सुरू असल्यामुळे नागरिकांना भर उन्हाळ्यात गर्मीमध्ये लोडशेडिंगचा सामना करावा लागत आहे. त्यामुळे भाजपतर्फे महाविकास आघाडी (MahaVikas Aaghadi) सरकारचा निषेध करण्यासाठी कंदील आंदोलन करण्यात आले आहे. (dhule news mahavikas aghadi government protests against load shedding)

माजी संरक्षण राज्यमंत्री तथा भाजपचे (BJP) खासदार डॉ. सुभाष भामरे यांच्या अध्यक्षतेखाली कंदील आंदोलन करण्यात आले आहे. यावेळी भाजपचे पदाधिकारी व कार्यकर्ते या आंदोलनामध्ये मोठ्या संख्येने उपस्थित असल्याचे बघायला मिळाले. (Dhule News) हातामध्ये पेटलेला कंदील पकडून भाजपच्या आंदोलनकर्त्यांनी महाविकास आघाडी सरकारच्या विरोधामध्ये घोषणाबाजी करून लोडशेडिंग धोरणासंदर्भातील महाविकास आघाडी सरकारच्या विरोधात संताप व्यक्त केला आहे.