धुळे : कर्नाटकमध्ये बजरंग दलाच्या पदाधिकाऱ्यांवर झालेल्या हल्ल्याचे पडसाद धुळ्यात उमटले आहेत. कार्यकत्‍र्यांनी जिल्‍हाधिकारी कार्यालयासमोर आंदोलन केले. (dhule news Karnataka repercussions in Dhule protest by Bajrang Dal)

कर्नाटक (Karnataka) राज्यामध्ये बजरंगी हर्षा या बजरंग दलाच्या पदाधिकाऱ्यावर झालेल्या हल्ल्याच्या निषेधार्थ धुळ्यात (Dhule) जिल्हाधिकारी कार्यालयावर विश्व हिंदू परिषद बजरंग दल धुळे यांच्यावतीने धडक मोर्चा काढण्यात आला. बजरंग दलाच्या (Bajrang Dal) पदाधिकारीवर हल्ला करणाऱ्यावर कठोरात कठोर कारवाई करत त्याला फाशीची शिक्षा देण्यात यावी; या मागणीचे निवेदन मोर्चेकऱ्यांनी जिल्हाधिकाऱ्यांना दिले आहे.

निषेधार्थ घोषणाबाजी

जिल्‍हाधिकारी कार्यालयावर (Dhule Collector Office) आल्‍यानंतर बजरंग दलाचे कार्यकर्ते व पदाधिकारी मोठ्या प्रमाणात आक्रमक झाल्याचे बघावयास मिळाले. मोर्चेकऱ्यांनी कर्नाटकातील घटनेच्या निषेधार्थ मोठ्या प्रमाणात घोषणाबाजी करून आपला तीव्र संताप व्यक्त केला.