बापरे..ऍक्टिव्हा गाडीत घुसला साप

अंबरनाथ : पावसाळ्याच्‍या दिवसात साप बाहेर येतात व ते कुठेही जावून बसतात. यात बुट व गाडीमध्‍ये साप गेल्‍याचे अनेक व्‍हीडीओ सोशल मिडीयावर व्‍हायरल झालेले पाहिले आहेत. परंतु, अंबरनाथमध्‍ये (Ambarnath) प्रत्‍यक्षात ॲक्‍टीव्‍हा गाडीत साल्‍ घुसल्‍याचे पहायला मिळाले. (ambarnath news snake entered the Activa bike)

अंबरनाथ पूर्वेच्या मेफ्लॉवर गार्डन भागात राहणारे काँग्रेस (Congress) जिल्हाध्यक्ष रोहित साळवे यांच्या ऍक्टिव्हा गाडीत आज सकाळी साप (Snake) शिरताना वॉचमनने बघितला. यानंतर सर्पमित्र प्रकाश गोहिल यांनी तिथे धाव घेत मेकॅनिकच्या मदतीने गाडी उघडली आणि सापाची सुटका केली.

धामण जातीचा होता साप

तीन फूट लांबीचा हा साप धामण जातीचा बिनविषारी साप होता. सापाला गाडीतून बाहेर काढल्यानंतर साळवे यांनी सुटकेचा निःश्वास सोडला.