धुळ्यातील शिरपूर शहरातील मांडळ चौफुली परिसरातून एक धक्कादायक बातमी समोर येत आहे. काही महिलांकडून देहविक्रीचा व्यवसाय सुरू होता. याची माहिती मिळताच शहर पोलीस आणि नगरपरिषदेनं संयुक्तपणे मोठी कारवाई केली. या बेकायदेशीर व्यवसायाबाबत वेळोवेळी पोलिसांना माहिती देण्यात आली होती. अखेर पोलीस प्रशासनाने या प्रकरणाविरोधात कडक पावले उचलली.

शिरपूर शहरातील मांडळ चौफुली परिसरात काही महिलांकडून कथित देहविक्रीचा अवैध व्यवसाय सुरू होता. दीर्घकाळापासून हा अवैध व्यवसाय महिलांकडून सुरू होता. या बेकायदेशीर व्यवसायाबाबत वेळोवेळी दिल्या जाणाऱ्या सूचनांकडे संबंधितांकडून दुर्लक्ष केले जात होते. या प्रकरणावर अखेर पोलिसांनी लक्ष घातले. पोलीस प्रशासनाने या प्रकरणी कडक पावली उचलली आहेत.

या कारवाईदरम्यान, परिसरात मोठा पोलीस बंदोबस्त तैनात करण्यात आला होता. बुलडोझरच्या सहाय्याने परिसरातील अतिक्रमित झोपड्या आणि शेड हटवण्याची मोहिम राबवली गेली. बराच काळ या भागात सुरू असलेल्या अवैध प्रकारामुळे नागरिकांमध्ये नाराजी होती. यासंदर्भात अनेकांनी तक्रारीही नोंदवल्या होत्या. या अनुषंगाने ही कारवाई करण्यात आली आहे.

चालत्या गाडीतून धूम स्टाईल लुटमार

सोलापूर ते धुळे महामार्गावर पाचोड ते येडशीदरम्यान प्रवासी वाहन अडवून अथवा थांबलेल्या वाहनातील प्रवाशांना धमकावून लूटमार केली जात आहे. याबरोबरच ट्रॅव्हल्सवर ठेवलेल्या बॅग लंपास करण्याच्या घटना घडत आहेत. याबाबत आता बीड पोलिसांनी मोहीम हाती घेतली असून, अशा पद्धतीने चोरी करणाऱ्या टोळीचा शोध घेतला जात आहे. यासाठी हॉटेल चालकांची देखील मदत घेतली जात असून, सीसीटीव्ही कार्यान्वित करण्याच्या सूचना देखील करण्यात आल्या आहेत. याबरोबरच प्रवाशांनी देखील खबरदारी घ्यावी असे आवाहन पोलीस प्रशासनाने केले आहे.