धुळे : कॉलेजला जाते, असे सांगून दुचाकी घेऊन घराबाहेर पडलेल्या तरुणीने नकाणे तलावात आत्महत्या केल्याचा प्रकार सोमवारी (ता.१२) सकाळी उघडकीस आला. याप्रकरणी धुळे पोलिसात (Dhule Police) ठाण्यात आकस्मिक मृत्यूची नोंद झाली. (Live Marathi News)

चेतना पुरुषोत्तम पाटील (वय २२, रा. प्लॉट क्रमांक-१८, यशोधन कॉलनी, वलवाडी, देवपूर धुळे) असे मृत (Dhule News) तरुणीचे नाव आहे. चेतना ही सोमवारी (१२ डिसेंबर) सकाळी पावणेसात ते सातच्या सुमारास कॉलेजला जाते असे सांगून दुचाकीने घरून निघाली. त्यानंतर सकाळी नऊला तिचे आजोबा काशिनाथ खंडू काकुळदे यांना माहिती मिळाली, की तुमची दुचाकी नकाणे तलावाजवळ उभी आहे. तलावात एका मुलीचा मृतदेह तरंगत आहे.

कारण गुलदस्‍त्‍यात

माहिती मिळताच त्यांनी कुटुंबीयांसह घटनास्थळी धाव घेतली. चेतनाचा मृतदेह तलावात तरंगताना दिसून आला. या घटनेने कुटुंबीयांना धक्का बसला. मृत चेतनाचे वडील पुरुषोत्तम पाटील हे पाचवी ते सातवीच्या विद्यार्थ्यांचे क्लासेस घेतात. ते वरच्या मजल्यावर राहतात. चेतना आठ महिन्यांची असतानापासून आजोबा व आजी तिचा सांभाळ करत होते. तिच्या आत्महत्येमागील कारण मात्र समजू शकले नाही.