धुळे : भीम आर्मी संघटनेचे अध्यक्ष चंद्रशेखर आझाद यांच्यावर उत्तर प्रदेश (Uttar Pradesh) येथे झालेल्या भ्याड हल्ल्याचे पडसाद धुळ्यात देखील उमटण्याचे बघावस मिळाले. (Dhule) धुळ्यात आंबेडकरी चळवळीच्या सर्व संघटनांचे पदाधिकारी व कार्यकर्ते या घटनेचा निषेध करण्यात आला. (Maharashtra News)

आंबेडकरी चळवळीतील कार्यकर्ते आंदोलनासाठी एकवटले असून धुळे शहरातील डॉ. बाबासाहेब आंबेडकर यांच्या पूर्णकृती पुतळ्यासमोर आंबेडकरी चळवळीच्या सर्व नेत्यांनी उत्तर प्रदेशचे मुख्यमंत्री योगी आदित्यनाथ यांचा निषेध केला आहे. आंबेडकरी चळवळीच्या नेत्यांना दडपशाहीच्या मार्गाने अन्यथा त्यांच्यावर हल्ले करून त्यांची तोंड दाबनी केली जात असल्याचा आरोप यावेळी निषेधकर्त्यांनी व्यक्त केला.

संबंधीतांवर कठोर कारवाईची मागणी

घटनेची संपूर्णपणे सखोल तपास पंधरा दिवसांच्या आत करून संबंधित हल्लेखोरांना तात्काळ गजाआड करावे. तसेच त्यांच्यावर कठोरात कठोर कारवाई करण्याची मागणी आंदोलकांनी केली आहे. असे न झाल्यास संपूर्ण राज्यभर त्याचे पडसाद उमटून होणाऱ्या दुष्परिणामांना राज्य सरकार व केंद्र सरकार जिम्मेदार राहील असा इशारा देखील यावेळी आंदोलकांतर्फे देण्यात आला आहे.