Shani Shingnapur News: शनैश्वर देवस्थानची ४ लाखांत फसवणूक; कळस बसवायचे काम ठेवले अपुर्ण

सुशील थोरात

अहमदनगर : शनी शिंगणापूर येथील श्री शनैश्वर देवस्थानच्या दीपस्तंभावर (Shani Shingnapur) गोल्ड प्लेटिंगचा कलश बसविण्याचे काम होते. या कामासाठी गोवा येथील जगदीश भट या कारागिराने ॲडव्हान्स रक्कम घेऊन देखील काम करण्यास टाळाटाळ केल्याने देवस्थानच्यावतीने शिंगणापूर पोलीस (Police) ठाण्यात गुन्हा दाखल करण्यात आला आहे. (Tajya Batmya)

राज्यातील सर्वाधिक ७२ फूट उंचीच्या नवग्रह दीपस्तंभाचे काम शनी शिंगणापूर येथे पूर्ण झाले आहे. त्यावर ६ फूट उंच व ८० किलो वजनाचा कलश ठेवण्यात येणार होता. या कामाचे लिलाव होऊन हे काम गोवा येथील कारागीर जगदीश भट याला मिळाले होते. दरम्यान कामास सुरवात करून काही काम केले. त्यानंतर ॲडव्हान्स पोटी ४ लाख २८ हजारांचा चेक व आरटीजीएस घेऊनही कळसाचे पुढील काम करण्यास टाळाटाळ केली.

भट विरोधात गुन्‍हा दाखल

त्यानुसार देवस्थानचा विश्वासघात करून फसवणूक केल्याने योगेश नानासाहेब वाबळे यांच्या फिर्यादीनुसार शनी शिंगणापूर पोलीस ठाण्यात जगदीश भट विरोधात गुन्हा दाखल करण्यात आला आहे.