धुळे : धुळे मनपाच्या स्थायी सभेमध्ये कचऱ्याचा विषय चांगलाच गाजला. विरोधी पक्षाच्या नगरसेवकांनी कचऱ्याने भरलेल्या पिशव्या आणून बॅनर झळकवत मनपा प्रशासनाचा निषेध नोंदविला आहे. मनपा प्रशासनाच्या विरोधात जोरदार घोषणाबाजी देखील केली. (dhule-corporation-Garbage-brought-into-the-hall-during-the-meeting-protesters-shouting)

धुळे महानगरपालिकेमध्ये आज स्थायी समितीची बैठक कचऱ्याच्या मुद्यावरून चांगलीच गाजली. बैठकीत विरोधकांनी कचऱ्याच्या मुद्द्यावरून सत्ताधाऱ्यांना चांगलेच धारेवर धरले. शहरात सर्वत्र कचरा पसरलेला असताना स्‍वच्‍छता होत नाही. यामुळे नागरीकांचे आरोग्‍य देखील धोक्‍यात असल्‍याचा मुद्दा विरोधकांनी मांडला. यानंतर विरोधतांची चक्‍क कचराच मनपा सभागृहात टाकत निषेध नोंदविला.

सत्‍ताधारी भाजपवर नाराजी

धुळे महानगरपालिकेवर भाजपची सत्ता असून समाजवादी पार्टीच्या अमीन पटेल त्याचबरोबर विरोधीपक्षनेते यांनी थेट महापालिकेच्या महासभेतच कचऱ्याने भरलेल्या गोण्या आणून सभेचे लक्ष वेधले. त्यामुळे आजची सभा कचऱ्याच्या मुद्यावरून चांगलीच गाजली. शहरात तीन ते चार दिवस कचरा तसाच पडून असल्याने पालिका प्रशासन नागरिकांचे आरोग्य धोक्यात टाकत असल्याचा आरोप यावेळी निषेध विरोधकांनी लावला आहे.